Vinsæl biblíuvers úr मत्ती 12

Deildu

बकिन मंए तुमन ला कहथों कि परमेस्वर कर नियाओ करे कर दिन में मईनसे मन ला, ओमन कर गोठियाल सबेच बेमतलप कर गोएठ कर हिसाब देहे बर परही। काबरकि तुमन अपन गोएठ कर चलते निरदोस अऊ अपन गोएठेच कर चलते दोसी ठहराल जईहा।”

ए करेत सांप कर लईका मन, तुमन खराब मईनसे होए के कईसे सुघर गोएठ गोठियाए सकथा? काबरकि जेहर मन में भरल हवे ओही हर मूंह में आथे।

बढ़िहां मईनसे अपन मन कर बढ़िहां भंडार ले, बढ़िहां गोएठ ला निकालथे अऊ खराब मईनसे हर अपन मन कर खराब भंडार ले खराब गोएठ ला निकालथे।

तेकर ले मंए तुमन ला कहथों कि, मईनसे मन कर सब मधे कर पाप अऊ परमेस्वर कर निंदा छमा करल जाही, बकिन पबितर आत्मा कर निंदा ला छमा नई करल जाही।

अगर रूख हर बढ़िहां होही, त ओकर फरोच हर बढ़िहां होही अऊ अगर रूख हर खराब रही, त ओमे खराब फर फरही, काबरकि रूख हर अपन फर ले चिन्हल जाथे।