Popular Bible Verses from लूका 23

Deildu

पइ येशूले भण्यो, “हे पिता, यिनलाइ क्षमा अर, क्याकि यिन क्याद्दाछन त्यो जाँण्नाइन।” पइ उनरा लत्तालाइ कइले कि लैजान्या भणबर चिट्ठा हालिबर बाण्यो।

येशूले तइलाइ भण्यो, “साँच्चि म तुलाइ भण्नउ, आजइ तु मसित स्वर्गमि हुन्या छइ।”

तब तइले भण्यो, “हे येशू, तम आफना राज्यमि राजा भइबर आउनज्या मलाइ सम्ज्या।”

जोरले कला हालिबर येशूले भण्यो, हे पिता, म मेरो आत्मा तमरा हात सुम्पनौ। इति भणबर उनले आफ्नो प्राण त्यागिदियो।

जब तिनन खोपडि भण्न्या ठाउँमि आया, तब ताँ तिनले उनलाइ क्रुसमि टाँङ्यो, रे तिन अपराधीमि हइ एकलाइ दाइन तिर रे अर्खालाइ बाँउतीर क्रुसमि टाङयो।

करीब: छकला बार बजे बठेइ लगभग तीन बजे सम्म सारा देसलाइ अन्धकारले ढाक्यो। सुर्यको तेज कम भयो, रे मन्दिरको पर्दा बिचइनि चिरिबर दुइ भाग भयो।

यो सब घटना धेकिबर कप्तानले यिसो भण्नाइ परमेश्वरको महिमा अर्यो, निश्चय नइ यिन धर्मि मान्स थ्या।