Popular Bible Verses from Luk 6

Deildu

Kɛ, sɔng atam akia: Nnɔbɔ a nagara, ɔnyɛghɛ ɛsɛnɛ, okpo ɔkpɛnɛ eson ewuru ɛnam, ka ejo ji ɔyana. Sɔ ɔgara ɔkɛ nnɛ na ya atam agara akia.”

Nnɔbɔ a nnɛ abagha na anɔbɔ a mbe ya atongo ka nete ɛnɛ, ka ebibi nnɛ abagha na abibi mbe ya atongo ka nete ɛnɛ. Ji eson nnɛ ka nete jɛjɛji ji nnyɔ ɛbɛ aragha.

Ka anɛ baujing ɛba akɔra, ne nnɔbɔ kɛ mbɔ, ɔfɛnɛ ɔkpɛnnɛ anɛ ba arighima agana. Ntoro ɛyɛrɛ afangfang, ka war ɛjɔ abɔ Ɔsɔwɔ bi ɛgagaga, atebsi yɛ anɔnɔb ɛkɛ anɛ ba arijɔ akaghɛ na ba abebbeb.

Fɔ ɛkpɔgisi si nsɔja akpe ɛkpɔgisi.

“Kinaa banaa anɛ, sɔng akinaa jaja. Kirɔbɔ anɛ abeng, sɔng arighirɔbɔ yaya. Tamsighi mbɔ, sɔng atamtamasigha.

“Ka ntɔ war anɛ ba eyoghom, nnɛ ujing ɛwɛrɛ akɔr war, ne nnɔbɔ kɛ anɛ ba ɛsagga mbɔ, nara ba asimi akɛ war, kag njɔ kɛ anɛ ba ane war ebibi.

Ne kɛ anɛ sɔ ɔsɛb sa ane akiɛ.

Nnɛ ata na nsab ka ɛkpɔghɔ kpeghe ɛkpɔghɔ jiga kɛ ata. Nnɛ akɔna ɛkpagha ɛnɛmɛ ɛja, kruɛ kɛ ɛnɛmɛ. Nnɛ abɔɔ a na ejo kiɛ, ka nnɛ akɔna ejo ɛja kikpɛ kɔ.

“Nnɔbɔ ete yayi arem ya akab ebibi nkab, sɛ ebibi ete ɛkab nnɔbɔ a nkab.

Kpere ete ɔgbɛrɛ ka nkab ɛyɛ. Anɛ arama sanga akab ekokonadu ka ɛmɛnɛgbɛ ajɔjɔngɔ, sa amuruku ka akpor.