Popular Bible Verses from maṯa 6

Deildu

nyamɩni bunyi gwerre ŋelɩnya ŋeḏi elo na ŋuɽun ŋuŋun ŋun ŋiŋir na ŋeno wei ŋajilbəḏəṯɩjo.

na ŋiro dino aṯanyuməḏɩni gi dugwor ganu gwan giləganu no, gi gwune giləganu gwuməḏɩni gwan ŋɩdi ŋuŋun. ŋuɽun ŋun ŋɩki ŋeḏi lamon ŋaḏəḏəṯe lugwun.

na ŋiro dino nyi gweiceijɩno, aṯanyuməḏɩno gi dugwor ganu dalo gwan ḏɩmiḏa ḏalo no, gun ŋar ŋanyalʼe, i ŋanyalyu, i gi jiŋɩno jalo jakani aŋe no. ḏɩmiḏa ḏate ḏɩbuṯano gi ḏiṯa na jiŋɩno jɩbuṯano gi ḏɩkana na?

namɩni ḏa ŋamuməḏɩjo eloŋu, ŋəḏi gidano gwe na gwune ŋalaŋɩṯi ouwɩr yuŋa, ŋuməḏɩjo babaŋ gwuŋa gwun gwaṯɩlɩbe; na baba gwuŋa gwun gwaṯaŋu ŋuɽuna ŋun ŋɩlɩbo gwaŋawəɽɩjo ŋɩdio.

na uməḏɩjil eloŋu dino, baba gwəri gwun gwaṯɩje kanyin, ouwɩrico jiri juŋa a liji nəji jɩpido pɽul, na ŋele ŋuŋa wila na ŋuɽun ŋuŋa ŋədujini kɩḏilio gi gwune ŋandujini kanyin.

ḏəḏije gia gwunne

na ŋijiḏuḏɩjo ŋuɽun ganu ŋun ŋɩki, gi gwune lɩmananiḏuḏɩjo ŋuɽun ganu ŋun ŋɩki ŋun ŋaṯijil liji ərrɩjo lagəri

aṯijəḏɩjo ŋuɽun ŋe ḏɩḏeijo no, nijimɩni əbɩri ŋuɽun ganu ŋun ŋɩki. gi gwune əṯo ŋəlɩnya na ŋɩma na ḏoɽeḏa bubruṯ, gwerkwe.

gi gwune ḏa ŋa maḏuḏɩjo liji ŋuɽun ganu ŋagin ŋun ŋɩki na ŋajɩn baba gwalo ḏuḏɩjo ganu dino gwun gwaṯɩje kanyin

iril jei ga gi nyiɽuwə nyeḏi kanyin: gi gwune nyate nyaṯɩkwoi no, i nyatɩwone no, i nyate nyaṯəḏɩje ŋwona gi nyuɽulo no, namɩni baba gwalo gweḏi kanyin nyaṯuliʼi. nyaŋa late lɩnəno gi nyiɽuwə na?

aṯanyaməṯo ḏɩbona kɩḏilio no kalo gun gaṯɩn aṯum e na ŋam, na kalo gun gaṯɩn luɽam ŋɩrṯe naləḏi nalapa ŋɩdio ŋuɽama, nyamɩni məṯo lagalo ḏɩbona kanyin, kalo ŋun ŋate gaṯɩn aṯum e na ŋam no, na kalo ŋun ŋate gaṯɩn luɽam ŋɩrṯe naləḏi nalapa ŋɩdio ŋuɽama no. gi gwune kalo gun gaṯɩn ḏɩbona ḏalo je, ŋɩnowei dugwor dalo daɽe dino.

gwiji gwate gwete gwun gwəṯi ŋɩma gwapijo lelɩnya ŋɩru lɩttən no; gi gwune gwudonye gwete namɩni gwəmɩnyi gwete, i ŋwuməṯo gwete nunmɩni ŋələḏəṯɩni ganu gwete. nya late ləṯi ŋɩma nyaləpijo eloŋu ŋɩru na ḏɩbona no.

na ŋiro dino na da elo maṯikaii garoma geḏi geḏo, gun gijo gwune namɩni ḏa ŋɩma liji ɩa kigo giləganu, ŋiro ŋada ŋutəno gwate gwajikaii nyaŋa lun lɩti ḏɩməṯo na?

namɩni, ḏa ŋa mar gwəḏəḏə ŋɩdio, aṯaŋouwɩrico ḏi ḏuŋa ḏun ḏiro ḏouwɩr ḏalɩŋe ŋɩru ŋun ŋaṯɩl ḏi ape ḏun ḏiro ḏiŋir no, kani a ḏiḏəḏo ḏuŋa ŋwulbiḏɩni, na baba gwuŋa gwun gwaṯaŋu ŋuɽuna ŋun ŋɩlɩbo gwaŋawəɽijo ŋɩdio.

jil muma nya late laṯape ŋuɽuna ŋalo ŋun ŋiŋir gi jei ganu jeḏi liji kani ŋajilaŋu no; gi gwune ḏa nyalmarre dino nya late ləṯi ḏɩbona ḏi baba gwalo gwun gwaṯɩje kanyin no.

na ḏa nyalməməṯo əbuṯo, nyakeḏa gijei ganu gi liji lun ləṯi ŋuɽuna ganu ŋɩttən no, gi gwune lɩmake gi jei ganu jagin kan al liji lɩŋe lɩməṯi əbuṯo. gwerkwe ganu nyi gweiceijɩno luŋa lɩmape ḏɩbona ḏagin. namɩni ŋa, na ḏa ŋa məməṯo əbuṯo wɩrɩṯi lɽa luŋa na gawei jei juŋa, kani ŋate ŋaŋinijo liji ḏiməṯo əbuṯo no, namɩni baba gwuŋa gwun gwaṯɩlɩbe, na baba gwuŋa gwun gwaṯaŋu ŋun ŋɩlɩbo gwaŋawəɽɩjo ŋɩdio.