Vinsæl biblíuvers úr तितस 3

Deildu

कालाउ केलाइ इन्सिका ब्यभार पालाउ बुङ मुक्ति दाता केलाइको परमेस्वर केलाइहेङ वाको दाया कालाउ प्रेम तिङपाहि। कालाउ केलाइको ताइकोङ रेम्का कामसो माको, कालाउ वाको ताइको दायाहोइ केलाइहेङ केलाइको पापको दन्डसो बान्चिपाहि, कालाउ वा केलाइहेङ पबित्तरो आत्मा पिहि, जाइ केलाइको पापगेलाइ झाअ्पिहि कालाउ नावा जिबन पिहि कालाउ नावा तरिका जियाइलि धिरपाहि। परमेस्वर इङको पबित्तरो आत्मा केलाइको मुक्ति दाता येसु ख्रिस्ट पाहासो केलाइहेङ गेनेगेल्पा पिहि। परमेस्वर इसिका पाहि, कालाउकि वाको आनुग्रह पाहासो केलाइ ठिक थोहोरिलि कालाउ वाको सान्तान जेङलि द्वाको, कालाउ केलाइ आस ताअ्का आनान्त जिबन बुङ निङलि द्वाको।

सासकगेलाइ कालाउ आधिकारिगेलाइको आदार पाअ्‌ कालाउ इम्बालाइको आग्या किलि दोअ्तेङ इन्ताको खान्धुराइगेलाइहेङ फोम पा-पाअ्‌, कालाउ आरुको भाअ्सिङ रेम्का काम पालि दोअ्। इम्बालाइ हासुको बुङ बिरोध मापाको कालाउ माचेरस्वाको, मोनोइ कालाउ गोताङ द्‍याङगेलाइ दोफा मिलितेङ हिका जेनाको।

कालाउ आनाइ जालबाजिगेलाइ, पुर्खागेलाइको माओताका सुचि, बेकारको काथागेलाइ कालाउ मोसाको व्यवस्थाको बिसोइता चेरसुका काथागेलाइसो दुरे हिसु, हाइपालिपानु इङको ब्यर्थको काम मालागिका काथागेलाइ दोङ हि।

जेसापा हिदोइ बुङ द्‍याङ मन्डलिता फाटो चुमाखे पानु, उङकोहेङ एखे माकुनु न्हेखे एन्सा पालि लाअ् दोअ्तेङ चेताउनि पि, कालाउ न्हुसो उङको द्‍याङ दोफा हिदोइ बुङ सामान्दा माअ्ता।