Vinsæl biblíuvers úr रोमि 12

Deildu

इदोइ सुमिङको द्‍याङगेलाइ भाइपा माजेङसु, कालाउ परमेस्वर नाङको स्वभाबहेङ परिबर्तन पातेङ नेलाइको बिचारहेङ नावा बानाइलि द्वाङ। कालाउ परमेस्वरको आसल ग्रहन योग्य कालाउ सिद्द इच्छा हाइ हि, इङको नेलाइ गिलि दोसु।

ओदोङ भाअ्सिङ खान्धुराइ ओनेगेलाइ, परमेस्वरको माहान दायाको कारन का नेलाइहेङ आनुरोध पाखा, कि ता-ताइको जिउहेङ पबित्तरो कालाउ परमेस्वरहेङ ग्रहन योग्य जेङलि ताइको जिबनहेङ सिन्हु पाङ भोगको रुपता आर्पन पाअ्सु। नेलाइ पालि गोइका सत्ये आराधाना इदोइ दोङ हि।

नेलाइको निङका आसता आनान्द पासु, कस्टगेलाइता धर्य पासु कालाउ लागातार प्रार्थाना पातेङ हिसु।

खाराबिसो माहारे, भरु खाराबिहेङ भलाइसो जितिसु।

ताइको जाहान भाइपाङ एमिसो-भेनेङहेङ मायारु पासु। कालाउ नाअ् ताइमिहेङ खान्तेङ हेन्जा बो गेलाइहेङ आदार पाअ्‌।

नेलाइको प्रेम तिङपाका खिनिङ माको भरु जातिङको ह्याको। जेदोङ काथा खाराब हि इङकोहेङ बाथालाइगिल, कालाउ जेदोङ काथा एल्का हि इङको काम लागातार पातेङ हि।

जेङलि दोनु, झाराङ दोफा मिलितेङ हिसु।

ओइ काङको आनाउगेलाइ, ताइमि दोङ हेलाउ बुङ बदला माह्रुसु, भरु परमेस्वर दोङ वासेहेङ साजाइ प्याको। हाइपालिपानु धर्मसास्तरता लेखेका हि, “बदला ह्रुका काम काङको दोङ हि, का दोङ बदला ह्रुकाङका” प्रभु दोअ्खे।

थाङका परिस्रोम पासु कालाउ लेद्रा माजेङसु, कालाउ नाङको गोताङ ह्रदयहोइ प्रभुको सेवा पाअ्‌।

परमेस्वर कासेहेङ पिका आनुग्रह पाहासो नेलाइ मध्ये झाराङहेङ का आग्राह पाखा, कि ताइमि जिसिका हिनाहि इङको खान्तेङ हेन्जा ताइमिहेङ मासम्झ्याको। कालाउ परमेस्वर झाराङहेङ पिका खाङधुरिको जोखेकाहोइ ताइमि जिसिका हि, इन्सिकाङ थानियाको।

हासु बुङ नासेहेङ मारेम्का पाहि पानु वासेहेङ मारेम्का मापा। जेदोङ काथा झाराङ द्‍याङगेलाइको नजरता रेम्का हि इङकोङ काथागेलाइहेङ पालि कोसिस पासु।

झाराङ दोफा सान्तिसो मिलितेङ हिसु, कालाउ आभिमानि माजेङसु, कालाउ मोनोइहोइ द्‍याङगेलाइ दोफा सङगत पाअ्सु, कालाउ ताइमिङ हेन्जा गिका माथेनेसु।

कालाउ नेलाइ धर्मसास्तरता लेखेका कोनिङ पासु, “भरु नाङको सतरु जेसापा म्हितुका हि पानु वासेहेङ चापा, जेसापा चि आम्लि किका हि पानु वासेहेङ चि आम्लि पि। एन्सा पाहे पानु नाअ् इङको द्‍याङगेलाइहेङ लेदर पालि द्वाना।”

कालाउ नेलाइहेङ साताइकालाइहेङ स्राप माको, भरु आसिरबाद पि। आनान्द पाकालाइ दोफा आनान्द पासु कालाउ खारकालाइ दोफा खारसु।

परमेस्वरको जनगेलाइहेङ खाचोता साघाइसु, कालाउ साअ्ता लोका बान्सालाइहेङ रेम्फा चापासु-आम्पासु।

जेसाङ केलाइ झाराङको एनोङ दोङ जिउता हेन्जा आङगगेलाइ हिखे, कालाउ गोताङ आङगगेलाइको एनोङ दोङ काम मान्थुखे। एन्साङ पातेङ, केलाइ ख्रिस्टता खाङधुरि पाकालाइ, केलाइ झाराङ ख्रिस्टको आङगको सदस्यगेलाइ दोङ हिनाहि, कालाउ केलाइ झाराङ एमिसो-भेनेङको हिनाहि।