Popular Bible Verses from मति 24

Deildu

कालाउ जोसो-ओसोङ दुस्ट बढेयाङ कालाउ इम्बालाइता-ताइमिता प्रेम मापाङ। जाइ चाहि ताइको जिबन लास्ता थेकापा दोङ का ह्रुता खाङधुरि पातेङ हिकालाइहेङ चाहि बान्चि पावा।

सुमिङ भरि दोङ परमेस्वरको सासनको बारेता सुसमाचार हिम्पाङ, कालाउकि गोताङ सारभिको द्‍याङगेलाइ इङको सुसमाचार खाङधुरि पालि द्वाको। कालाउ सुमिङको आन्त जेनावा।

जेलाउ नेलाइ धुम कालाउ धुमगेलाइको जोग्रेकालाइ हिङस्वाना कालाउ इङको बेला माअ्थिसु, इङको गोताङ घाटानागेलाइ जेङलि आवस्यक दोङ हि कालाउ सुमिङको आन्त चाहि एन्सालाउ दोङ माजेनाङ।

एनोङ जातिको बिरोधता भेनेङ जातिको द्‍याङगेलाइ बिरोध पावा कालाउ एनोङ सारभि भेनेङ सारभिको बिरोध पावा। जोसो-ओसोङ भुइचाल हानावा कालाउ लालाइगिल्लावा इदोइ ते कस्टको सुरुआत खिनिङ, जेसा कि चानको जोलोम जेङलि खाङलाउ लाम्फा तु निन्चालाउ जिसिका जेङखे इन्सिकाङ जेनावा। कालाउ या खान्तेङ बुङ हेन्जाङ कस्टगेलाइ लोलि बाकि हि। इदोइ गोताङ आमेने तु निन्चाका ब्याथा जेङका भाइपाङ आइ लाग्यावा।

आकास कालाउ प्रिथिबि माअ्तेङ हानावा, जेलाउलाउको भाअ्सिङ माह्याङ कालाउ का जेदोङ दोअ्का हिघा इङको जेलाउलाउको भाअ्सिङ ह्यावा।

इम्बालाइ हेन्जाङ द्‍याङगेलाइहेङ काङको मिङता का ख्रिस्ट दोअ्तेङ ल्वाङ कालाउ ताइमिता खाङधुरि पापालिको भाअ्सिङ धोका प्यावा।

कालाउ न्हुसो नेलाइहेङ द्‍याङगेलाइ बिरोध पावा, द्‍याङगेलाइ नेलाइहेङ साताइयावा कालाउ सेअ्तावा। काङको मिङ ह्रुता खाङधुरि पाकानाङ गोताङ जातिको द्‍याङगेलाइसो नेलाइ घ्रिनित जेङस्वाना। इङको बेला हेन्जाङ खान्धुराइगेलाइ का ह्रुता खाङधुरि पालि लाअ्तावा। इम्बालाइता-ताइमिता धोका पावा कालाउ मन्दा माताकावा। हेन्जाङ धातुवा आगमबक्तागेलाइ ल्वावा, कालाउ हेन्जा द्‍याङगेलाइहेङ धोका प्यावा।

येसु इम्बालाइहेङ जोबाफ पिहि, “चङख हिसु! हासु बुङ नेलाइहेङ धाताइलि मानिनाको।” हेन्जा द्‍याङगेलाइ काङको मिङ पातेङ ल्वावा। इम्बालाइ द्वावा, “का ख्रिस्ट दोङ” हिघा।

ओदोङ भाअ्सिङ नेलाइ बुङ तियार जेङतेङ हिसु। का द्‍याङको चान हिदोइ सोमोइता ल्वाङका जाइको नेलाइ आस पाका मान्थुस्वाना।

ओदोङ भाअ्सिङ जेलालाउ बुङ तियार जेङतेङ हिसु, हेथे पहर नेलाइको परमप्रभु ल्वाङ दोअ्तेङ नेलाइहेङ थाहा गिलि मादोस्वाना।

इङको काथागेलाइ हिदोइ सोमोइ कालाउ हिदोइ दिना जेनाङ या हासुहेङ बुङ थाहा मान्थु, ना ते स्वर्गदुतगेलाइहेङ का चानहेङ बुङ थाहा मान्थु, आबाहेङ खिनिङ इङको दिना कालाउ सोमोइ थाहा हि।

हाइपालिपानु धाताइका ख्रिस्टगेलाइ कालाउ धाताइका बक्तागेलाइ ल्वावा, बारका चिन्हागेलाइ कालाउ भारभुसाइका कामगेलाइ परमेस्वरको साल्का द्‍याङगेलाइहेङ धोका पिलिको भाअ्सिङ पावा।

का द्‍याङको चान लोलाउ, इङको बेला इन्सिकाङ स्थिति जेनाङ जेसाङ नुहाको सोमोइता जेङका हिघाखे। इङको बेला चिप्रलय जेङलि खान्तेङ लाम्फा द्‍याङगेलाइ चाकाताङ आमकाताङ पाघाखे बिहु पादोङघाखे नुहा नाउता मादुल्पा धाउ, द्‍याङगेलाइ हाइ जेङदोङखे दोअ्तेङ थाहा मागिघाखे। कालाउ ओदोङ बेला चिप्रलय जेङहि कालाउ गोताङ होइहि। का द्‍याङको चानको आगमन बुङ एसाङ जेनाङ।