Popular Bible Verses from मति 15

Deildu

नुइ पाहासो ओल्लेका जेदोङ बुङ काथा हृदयता हिखे, कालाउ इङको दोङ द्‍याङहेङ आसुद्द बानाइखे। एसापा येसुको दोअ्का आर्थ चाहि इदोइ हिघाहि कि गोताङ चाअ्का आमेने परमेस्वरको आगाता सुइकार हि। हाइपालिपानु द्‍याङको हृदयसो मारेम्का बिचार, मारा पाका, उलिगिल्का, कासिबिरि, खुगिल्का, धाताइका साक्सि, कालाउ बोमिहेङ मन्दा माताका काथागेलाइ बाहार ओल्लिखे।

जेदोङ झोको काथा नुइलिता दुल्खे, इङको द्‍याङहेङ आसुद्द मापाखे। कालाउ बुङ जेदोङ नुइसो बाहार ओल्लेखे, इङकोहोइ दोङ द्‍याङहेङ आसुद्द बानाइखे।

उङको द्‍याङगेलाइहेङ यासाइया परमेस्वरको बक्ता दोअ्का हि, काङको बारेता सभ्य धुइसुखेना, कालाउ बास्ताबिक का दोफा प्रेम मापा सुखेना। कासेहेङ तुघुरतेङ आराधाना पाका ओबालाइको ब्यर्थ हि। ओबालाइ ताइमिङ बानाइका नियमगेलाइ खिनिङ केम्लि धिरपाखे।

कालाउ इन्तासो येसु दोअ्हि, ओइ बेबाल नाङकोता बार्का खाङधुरि हि। नाअ् हाइ भोखेना का इङकोङ पापियाङका। कालाउ वाको चामिन्दि एन्सालाउ दोङ एल्हि।

येसुकोता उङको बेबाल आरोङ लोहि। कालाउ येसुको आगाता पोम्भेलेतेङ वा दोअ्हि, प्रभु, कासेहेङ साघाइपि। येसु जोबाफ पिहि हिदोइ बुङ, माकुनुते इसिका जेनाङ चान-चामिन्दिकोसो तोले घिङतेङ खियाहेङ पिलि। उङको बेबाल दोअ्हि, “एइ प्रभु, इङकोते थिकोङ हि! कालाउ खियागेलाइ बुङ ताइको गिह्रिको चाङचाउकिसो लेता होपाका राइनाकागेलाइ हुल्का चाखे।”