Popular Bible Verses from युहान्‍ना 5

Deildu

जातिङ भारि का नेलाइहेङ दोअ्खा, जाइ काङको बचन हिङखे कालाउ कासेहेङ दिङगिल्काहेङ खाङधुरि पाखे, उङको दोफा आनान्त जिबन हि। ओबालाइहेङ दन्ड माप्याङ कालाउ इम्बालाइ आनान्त कालको सिकासो बान्चियाङ कालाउ लाम्फासोङ नावा जिबनता दुल्लि दोका हि।

उङको द्‍याङहेङ इन्ता उन्धितेङ हिका येसु तिङहि। वा निकोङ दिना लाम्फासो उङको मासाधेका हिघाहि दोअ्तेङ येसु थाहा गिहि कालाउ वासेहेङ हिअ्हि, “नाअ् हाइ एल्लि भोखेना कोनु?”

नेलाइ धर्मसास्तरता ध्यान पातेङ आध्यान पासुखेना, हाइपालिपानु इन्ता आनान्त जिबन निनाङबे दोअ्तेङ, नेलाइ मानिसुखेना। काङको बिसोइता धर्मसास्तर दोङ साक्सि पिखे। कालाउ बुङ नेलाइ आनान्त जिबन निङलि काङकोता लोलि माखाङसुखेना।

कालाउ येसु उङकोहेङ दोअ्हि, “नाअ् ल्हो, कालाउ नाङको धोक्रा तोअ्तेङ तेअ्।” ओदोङ घुरि उङको द्‍याङ एल्हि, कालाउ ताइको धोक्रा चुम्तेङ वा तेअ्लि तेङहि। इदोइ गोताङ कामगेलाइ जेङतेङ हिका दिना परमेस्वरको पबित्तरो दिना हिघाहि।

येसु इम्बालाइहेङ जोबाफ पिकाताङ दोअ्हि, जातिङ भारि का नेलाइहेङ दोअ्खा का चान ताइमिङ हाइ दोङ पालि मादोखा, कालाउ जेदोङ आबा परमेस्वर पाका तिङखा इङको खिनिङ पाखा, कालाउ आबा जेदोङ-जेदोङ पाखे, ओदोङ का चान बुङ एन्साङ पाखा।