Vinsæl biblíuvers úr याकुब 1

Deildu

काङको खान्धुराइ ओनेगेलाइ, नेलाइकोता भेनेङ-भेनेङ खाल्को जाच लोलाउ इङकोहेङ पुरा आनान्दको काथा फोम पाअ्सु। हाइपालिपानु नेलाइ गिसुखेना, कि जेलाउ नेलाइको खाङधुरिको जाच जेङखे कालाउ नेलाइ साबित पास्वाना कि नेलाइ एला बुङ परमेस्वरता भोरोसा पासुखेना, ओदोङ भाअ्सिङ नेलाइ धर्य सोङ दुख सहिसुखेना। कालाउ जाइ नेलाइहेङ धर्य दोफा दुख पालि सहिलि धिरपाखे।

कालाउ जेसापा नेलाइसो हासुहेङ बुङ बुद्दिको खाचो हिनु उद्दार चित्ताहोइ मादुसिका परमेस्वर दोफा वा ह्रेकाको, कालाउ वा वासेहेङ इङको प्यावा।

काङको आनाउ खान्धुराइ ओनेगेलाइ, इदोइ काथा गिसु: झाराङ द्‍याङ हिङलि धेमा, नुइ धुइलि लेद्रापा कालाउ चेरताम्पालि धिला जेङलि गोइखे।

नेलाइ गोताङ काथा सहिलि धिरलि गोइखे, कालाउकि नेलाइकोता हिदोइ बुङ रेम्का गुनगेलाइको आभाब माजेनाको कालाउ नेलाइ गोताङ आत्माता परिपक्का कालाउ पुर्न जेङसु।

कालाउ परमेस्वरको बचन केम्का जेङसु, कालाउ हिङतेङ खिनिङ ताइमिहेङ धोका मापिसु।

उङको द्‍याङ धन्यको हि, जाइ जाचता स्थिर हिखे, हाइपालिपानु ताइको खाङधुरि प्रमानित पालि दोतेङ वा आनान्त जिबनको इनाम निनावा, जाइ परमेस्वर वासेहेङ प्रेम पाका झाराङहेङ पिका प्रतिग्या पाका हि।

हाइपालिपानु हिदोइ बुङ रेम्का कालाउ सिद्द बरदान परमेस्वरसोङ लोखे, इदोइ बरदान फाइसालामकाको आबासो लोखे। परमेस्वर जेलाउ बुङ ए सामान हिखे कालाउ वा स्याइरे भाइका आदलबदल माजेङखे।

हाइपालिपानु हिदोइ बुङ द्‍याङ बचन हिङखे कालाउ माकेम्खे पानु, उङको एनोङ इसिका द्‍याङ भाइका जेनावा जाइ ताइको ह्राइ आइनाता खाङखे, हाइपालिपानु वा ताइमिहेङ खाङखे कालाउ वा हानेखे कालाउ उङको ताइमिङ हिसिका हिघाखे, उङको एघुरिङताङ निल्खे।

आबा परमेस्वरको आगाता सुद्द कालाउ पबित्तरो धर्म इदोइ दोङ हि: माउरिया कालाउ के सिकालाइहेङ इम्बालाइको दुखता खाङलि गोइखे कालाउ ताइमिहेङ सुमिङको मारेम्का काथागेलाइसो फारापा हिलि गोइखे।

जाचिलाउ हासु बुङ इसिका माअ्दोताको, “परमेस्वरसो काङको जाच जेङहि।” हाइपालिपानु परमेस्वरको हिदोइ बुङ खाराब काथासो जाच जेङलि मादोखे, ना ते परमेस्वर हासुहेङ बुङ जाच पाखे। कालाउ द्‍याङ ताइकोङ खाराब इच्छासो आवाइ तुगुल्तेङ जाचता परिखे। या एनोङ गुपुस भाइका हि, जाइ लासा भारि तानिन्हाखे।

जेसापा हिदोइ बुङ खान्धुराइगेलाइ गरिब हि पानु, खुसि हिलि गोइखे, कि इम्बालाइ परमेस्वरको भाअ्सिङ महत्वय पुर्न हि।