ओदोङ भाअ्सिङ जेसाङ सिपाइ धुम पालि तियार जेङलाउ ताइको केङखेनेता पेति तेअ्खे, एन्साङ दोङ साइतानको बिरोधता धुम पालि ताइमिहेङ तियार जेङलि परमेस्वरको सत्येको आनुसरन पासु। कालाउ जेसाङ छात्ति पाताहोइ सिपालाइहेङ धुमता बान्चिपाखे, एन्साङ पातेङ नेलाइको धार्मिकताहोइ नासेहेङ बान्चि पावा, जेलाउ साइतान नासेहेङ झाअ्मिरियावा। जेसाङ सिपालाइ धुमता हानिलि लाम्फा जुत्ता सुङखे, एन्साङ दोङ नेलाइ साइतान दोफा धुम पालि परमेस्वरको सान्तिको सुसमाचारता भर परिलि गोइखे।
