Vinsæl biblíuvers úr कलस्सि 2

Deildu

जेसाङ नेलाइ ख्रिस्ट येसुहेङ प्रभु दोअ्तेङ खाङधुरि पासुना एन्साङ वासेहेङ लागातार पिताइसु। धन्यबाद पिकाताङ ख्रिस्टता ताइको खाङधुरिता बल्लियाका जेङतेङ हिसु, जेसाङ सिङको जारि भोनोइहेङ जोतेङ ताअ्खे। कालाउ लागातार ख्रिस्ट ह्रुता ताइको खाङधुरिहेङ बाढेपातेङ हानेसु कालाउ जेलाउ बुङ परमेस्वरहेङ धन्यबाद पिसु।

नेलाइ चङको जेङतेङ हिसु, माकुनुते द्‍याङगेलाइको ब्यर्थको ग्यान कालाउ बिबेकहोइ नेलाइहेङ माधाताइयाको, इन्सिका बिचारगेलाइ द्‍याङको मुन्धुम कालाउ सुमिङको सिद्धान्‍तगेलाइसो लोखे कालाउ ख्रिस्टसो माको।

नेलाइ खाङधुरि पाका खान्तेङ लाम्फा आत्माता सिका हिघासुन्हा, हाइपालिपानु नेलाइ ताइको आपाराध कालाउ ताइको पापमय स्वभाबसो स्वतन्तरो जेङका मान्थु घासुन्हा, कालाउ परमेस्वर केलाइको गोताङ आपाराध स्यामा पापिहि कालाउ ख्रिस्ट दोफाङ सिन्हु पाहि। या इसिका हिघाहि, जेसाङ परमेस्वर केलाइको पापको लेखा कातिपिहि, जेदोङता केलाइको बिरोधता आरोप लेखेका हिघाहि। जेलाउ ख्रिस्टहेङ क्रुस्टा तोइहि कालाउ वा इङको गोताङ लेखा पुराङ रुपहोइ मोअ्पापिहि।

हाइपालिपानु ख्रिस्ट द्‍याङ जेङतेङ लोलाउ बुङ, वा पुराङ रुपता परमेस्वर हिघाहि। कालाउ वा गोताङ खाबारा कालाउ सरबुङगेलाइ ह्रुता प्रभु हि। ओदोङ भाअ्सिङ जेसापा नेलाइ ख्रिस्टता हितेङ हिसुना पानु नेलाइहेङ आत्मिकता ता हाइ दोङ बुङ आमेनेको खाचो माजेनाङ।

ओदोङ भाअ्सिङ चाअ्का कालाउ आम्काता, माकुनु पार्बा दिना, माकुनु औसिको उत्सब मानिका माकुनु परमेस्वरको पबित्तरो दिना मानिका बिसोइता हिदोइ बुङ द्‍याङ नेलाइहेङ मादुसियाको। कालाउ हासु बुङ नेलाइको न्याय मापाको। हाइपालिपानु इङको गोताङ व्यवस्थागेलाइ परमेस्वर बाचा पाका कालाउ लोलि खाङका काथाको स्याइरे भाइका हि, कालाउ बास्ताबिक चाहि ख्रिस्ट दोङ हि।