Vinsæl biblíuvers úr पतरुस 3

Deildu

आधिमि द्‍याङगेलाइ सोचिखे कि प्रभु ताइको धुरितेङ लोका प्रतिग्या पुरा लेद्रा पादोङखे। कालाउ प्रभु इङको तरिकाहोइ लेद्रा मापाखे। भरु वा नेलाइ दोफा धैर्य जेङतेङ हि। हाइपालिपानु वा हासुहेङ बुङ नासा पालि माचाहिखे। कालाउ झाराङ ताइको मनता बदिलिका कालाउ परमेस्वरता घुरितेङ लोका चाहिखे।

कालाउ काङको आनाउ सानाइतिगेलाइ, बास्ताबता या एनोङ काथा मानिल्सु, परमेस्वरको भाअ्सिङ एनि हाजार बासार भाइकाङ कालाउ हाजार बासार ए दिना भाइकाङ हिखे। वासेहेङ एनि कालाउ ए हाजार बासार गोताङ एनोङ दोङ सामान हिखे।

कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।

कालाउ ख्रिस्ट निसित दोङ धुरितेङ ल्वाङ। वा चोर लोका भाइपा आचानाक मासोचेका बेला धुरितेङ ल्वाङ। इङको सोमोइ आकासता बार्का गाला जेनावा, कालाउ आकास रामावा। कालाउ आकासता हिका बेला, तालि कालाउ फुरुगेलाइ मेता पुरा रुपता नासातावा। इङको दिना, द्‍याङगेलाइ प्रिथिबिता पाका गोताङ काम इम्बालाइहेङ न्याय पालिको भाअ्सिङ परमेस्वर देखाल पाङ।

इदोइ निसित हि कि परमेस्वर एसापा गोताङ काथा नासा पाङ, नेलाइहेङ निसित थाहा हि कि नेलाइ हेसा जिबन जियाइलि गोइखे। नेलाइको ब्यभार कालाउ नेलाइको पाका गोताङ कामगेलाइसो परमेस्वरहेङ लेङचापाका बानाइका हिलि गोइखे। नेलाइ इङको दिनाको आस पालाउ, जेलाउ परमेस्वर सुमिङको न्याय पालि ल्वाङ, इङको दिना धेमाङ लोलिको भाअ्सिङ मार्फा कोसिस पासु। इङको दिना मे जोलाइन्हाङ कालाउ आकासहेङ नासा पाङ, कालाउ मेको दाल्दालाइकाहोइ आकासता हिका गोताङ आनेमानेगेलाइ गालिपापियावा।