Vinsæl biblíuvers úr 1तिमोथि 6

Deildu

परमेस्वरता खाङधुरि पालि मालाअ्सु कालाउ वाको आग्या केम्सु जेसाङ एमि आसल आर्मि धुम पालि हार मामानिखे। कालाउ इङको आनान्त जिबनहेङ चातेङ ताअ्सु, हाइपालिपानु याकोङ भाअ्सिङ परमेस्वर नासेहेङ काइका हि। कालाउ नाअ् बुङ हेन्जा द्‍याङगेलाइको आगाता नाङको खाङधुरिको रेम्का साक्सि पिका हिघाखेना।

हाइपालिपानु धनसम्पतिको लोभ दोङ गोताङ किसिमको मारेम्का कामको जारि दोङ हि। हेथेते द्‍याङ ताका कामाइका लोभता लागितेङ खाङधुरि पालि लाअ्का हि कालाउ हेन्जा दुख पिडाता परिका हि।

कालाउ केलाइ परमेस्वरहेङ खुसि पाका काम कालाउ वा दोङ केलाइहेङ पिका काथागेलाइता सन्तोक हिलि आसल हि।

हाइपालिपानु केलाइ इदोइ सुमिङता जोलोमलाउ ना ते हाइ दोङ चुमान्हाहि, ना ते इतासो सितेङ हानिलाउ हाइ दोङ चुम्पुलि दोङ द्वाङ।

इदोइ सुमिङको धनिगेलाइहेङ घमन्ड माजेङलि आदेस पिसु, कालाउ इम्बालाइ ताइको आसथाइ सम्पतिता भोरोसा माताताको, कालाउ केलाइको सुखको भाअ्सिङ गेनेगेल्पा पिका परमेस्वर ह्रुता इम्बालाइ आस पाको, कालाउकि केलाइ आनान्द पालि द्वाको

कालाउ धनि जेङलि इच्छा पाका द्‍याङगेलाइ परिक्स्याता परिखे, कालाउ गुपुस लाअ्साता देका भाइपाङ इम्बालाइ लाअ्साता देखे। कालाउ इम्बालाइ इसिका काम पालि भोखे जेदोङ आनाइ कालाउ खतारानाक जेङखे कालाउ इसिका मारेम्का इच्साहोइ वासेहेङ नासाका थामेता थुका पापुखे।

कालाउ इम्बालाइहेङ आसल काम पासु दोअ्सु, कालाउ हेन्जा रेम्का कामगेलाइ पाको, कालाउ आवस्यक परिकालाइहेङ खुल्ला मनहोइ साघाइलि तियार जेङसु दोसु। एसा पातेङ इम्बालाइ स्वर्गता ताइको भबिस्यको भाअ्सिङ रेम्का कामगेलाइ खाजाना भाइपा जोम्पावा, जेदोङ इम्बालाइको भाअ्सिङ भबिस्यता बल्लियाका जोग भाइका जेनावा, कालाउकि इम्बालाइ पाक्का ह्याको इम्बालाइ जेलाउ बुङ सत्ये जिबन निनावा।