Popular Bible Verses from Mataibo 8

Deildu

Dai Suxi potïtïdai, —¿Ix tuixi duduadimuka aapimï? Sïïrhikïdï mai kïïga gin buaboitudai aapimï xorai aanï tudu— itïtïdai. Dai bhodïrï bañi go Suxi dai ñokidi ïgai go ïbïrhi ïmadï sudagi dai otoma dodorhi bii gobai.

Daidi go tïanïdami sandadaru potïtïdai, —Cho aapi gin Tïanïdamiga, maiti ïr ajïakami aanï xi bakiagi aapi gin kiiyïrï mos ïï gïïpi bamioma namïakatai aapi xi aanï— itïtïdai. —Kïïga gï buaboitudai aanï sai mosïkaxi gï ñokikïdï duadiagi gin pioñi— itïtïdai. —Kïïga maatï aanï gobai. Aanï ïr sandaru tudu dai bia aanï xi ïïgiadagi ñokidï gin tïanïdamiga. Dai aanï tïanïi jaa sandadaru ïpï dai bia ïgai xi gin ïïgiadagi gin ñoki ïpï. Dukami xi aagidagi aanï sai maigobai imïna ïmoko ka biakana ïgai xi gin ïïgiadagi. Dai xi aagidagi aanï ïmoko sai bhaigobai dibiana, biakana xi otoma dibiagi ïgai. Dai bia aanï gin pipioñiga ïpï dai ixdukatai aagidagi aanï bia ïgai xi gin ïïgiadagi. Kaxkïdï kïïga buaboitudai aanï sai ix aapi tabhiadïrï aagagi aapi sai duadana gin pioñiga otoma duadiamu ïgai. Mai bia aapi xi imiagi amïka tudu— itïtïdai go tïanïdami sandadaru go Suxi.

Dai kïïga bhai ïrhiarakïdï kaï Suxi go ñokidï go tïanïdami sandadaru. Daidi potïtïdai Suxi go óídakami ix makïdï oidi ami boiyana, —Kïïga ïr buaboi ixtumaxi gïn aagidamu aanï xibi— itïtïdai. —Aanï aagai sai mai tïtïgaiña aanï ïmai xorai ïpïan ïxi buaboitudagi idi tïanïdami sandadaru. Kïïga buaboitudai gobai tudu. Mai tïtïgaiña aanï ïmai xorai poïxi kïïga buaboitudadagi tomarhi gin aaduñi judidiu saagida ix makïdï tami Israelïrï óídaga tudu— itïtïdai.

Daidi bhodïrï potïtïdai Suxi go tïanïdami sandadaru, —Ka bhaiga aapi xi noragiagi ïpamu. Kaxi gin buaboitu aapi xi kaxkïdï pogïdui gï pioñi gïïrhi ixdukatai aagai aapi gin buaboidaitai— itïtïdai. Dai kaduku aidïxi potïi Suxi kaduku duayi go pioñi.

Dai go mamaatïrdamigadï mai tïtïgaitadai ixtumaxi gïn tïtïgitoagi daidi pokaitiña, —¿Xorai go Suxi dai asta go ïbïrhi ïmadï sudagi bïïxi ïïgidi?— ikaiti.