Popular Bible Verses from Mariko 6

Deildu

Abhantu bhaaringa abhaaru ahasi hayo, abhandi bhaaringa bharaaja, na abhandi bhaaringa bhareemuka. Okuringʼaana na eringʼana riyo, Yeesu na abheehigira bhaaye bhakabhurwa kora omweya gwa okurya. Kwa ego, Yeesu akabhakeerya abheehigira bhaaye ega, “Muuje tugende bheetu abheenego kabhejyo mumuunye-ko hakego.”

Yeesu akabhakeerya ega, “Omurooti arasuukwa ahasi ahandi hohonse, nawe, atakusuukwa mumugi gwa owaabho, kubhahiiri bhaaye, na iika owaaye omwene.”

Hanú Yeesu yeetuuma okurwa mubhwato, akarora omuganda omunene gwa abhantu. Akabhamaahira ekyabhira, kwa okubha bhaaringa kya amangʼondi ganú gataana omuriisya. Akaamba okubheehigirya amangʼana amaaru.

Ego, Yeesu ataatura okukora ebhika ebhyaru eyo, yaatuurira amabhoko abharweri abhakego na okubhahwenʼya. Akaruguura bhukongʼu kwa okubha abhantu bha mumugi muyo, bhataaringa na eimani kora enke. Kimwi Yeesu akeenaara mubhijiji bhya haangʼi okubheehigirya abhantu.

Yeesu akagega emikaate etaanu girya na eginswi ebhiri girya, akamaahirira eguru murwire, akamukumya Waryubha. Akasuunura emikaate girya, akamara akabhahaana abheehigira bhaaye, bhabhagabhire abhantu bharye. Akabhagabhira bhonsego na eginswi ebhiri girya. Abhantu bhonsego bhakarya, bhakeeguta. Kimwi abheehigira bhaaye, bhakakumanʼya amasaagyo ga emikaate na eginswi, bhakeejurya ebhikapo ekumi na bhibhiri.