Popular Bible Verses from Mariko 15

Deildu

Hanú yaahika ensa kenda, Yeesu akakuura kwa eriisi erinene ega, “Eroi! Eroi! Rama sabhakitani?” Ensonga yaaye niiga, “Waryubha waani! Waryubha waani! Ndora untigiri?”

Mbe, omukuru wa abhasirikare unú yaaringa yeemiriiri embere ya Yeesu, hanú yaarora kya ego Yeesu gurahwa-mo, akagamba ega, “Maheene, omuntu unu yaaringa Omwana wa Waryubha!”

Nho, eshuuka enene inú yaaringa eturungajiibhwe munyumba enkuru ya mwisyengerero erikuru rya Waryubha, ekabhaaruka amabhaara gabhiri okurwa eguru okuhikira insi.

Hayo, Yeesu akakuura kwa eriisi erinene, kimwi gukahwa-mo.

Mbe, hanú gyahika ensa esansabha gya omubhasu, ekisunte kikakurya mukyaro kyonsego, okuhikira ensa kenda.

Pirato kwa okwenda okujomerya omuganda gwa abhantu, akabhahaatirira Bharaabha. Akamara akaragirirya abhasirikare bhaaye ega, bhamuteme Yeesu emijariti, bhamare bhamubhambe kumusarabha.