Popular Bible Verses from Mataayo 13

Deildu

Egimbusuro ginú gyagwa mwirobha erijomu, girahunkana na omuntu unú areegwa Amangʼana Amajomu ga obhukama bhwa murwire, na okugamanya. Omuntu uyo ngʼo arabha areebhura emisumo egindi egana rimwi, egindi mirongo esansabha na egindi mirongo esatu.”

Egimbusuro ginú gyagwa gatigati ya emiti gya amahwa, girahunkana na omuntu unú areegwa Amangʼana Amajomu ga obhukama bhwa murwire, nawe, arangʼeenwa na amangʼana ga ekyaro na obhuniibhi. Kwa ego, Amangʼana Amajomu ga obhukama bhwa murwire garahigwa, na gatakunagya okwibhura emisumo.

Omuntu wowonse unú areegwa Amangʼana Amajomu ga obhukama bhwa murwire, nawe, atakugamanya, omuntu uyo arahunkana na egimbusuro ginú gyagwa kunjira. Omusarya urya Erisambwa, araaja na okusaka eringʼana rinú Waryubha ahambiri mumutima gwaye.

Na egimbusuro ginú gyagwa mumagina, girahunkana na omuntu unú areegwa Amangʼana Amajomu ga obhukama bhwa murwire, na hayohayo aragagwata kwa obhujomerwa. Nawe, kwa okubha arahunkana na ekiimerya kinú kitaana emiri, areekara na eringʼana riyo, kwa eribhaga ekego. Nyoore enyanko kasi amakongʼu garaamunyoore kurusumo rwa eringʼana riyo, rumwigo araritiga.

Kimwi Yeesu akagamba ekirengyo ekindi ega, “Obhukama bhwa murwire bhurahunkana na ekibhumbiko kinú kibhisirwe mumugunda. Hanú omuntu yaakirora, akakibhisa kweki. Akajomerwa bhukongʼu, akagya akagurya ebhintu bhyonsego bhinú yaaringa nabhyo, akagura omugunda gurya.

Egindi gikagwa kwirobha erijomu, gikamera. Egindi gikaama emisumo egana rimwi, egindi mirongo esansabha na egindi mirongo esatu.”

Mubhitige bhyonsego bhikiine hamwi, okuhikira eribhaga rya okugesa. Eribhaga riyo, ndibhakeerya abhagesi ega, “Mwihe mbere orujama murubhohe miganda miganda murusambe, nawe, egingano mugikumanirye mukitara kyani.”’”