Popular Bible Verses from Mateyu 28

Deildu

Ntakhara awe rowani, husihani atchu a maloko othene, ni wabatisa yawo mu nsina na Atithi, n’na Mwana, n’na Munepa Wawéla: ni ohusiha yawo ekhapelele itchu sothe sene kólamulenlakani nyuwo: nave onani, Miyo kiri vamoha ni nyuwo mahiku othene, ophiyerya okutchuwa wa elukuluku ya vathi vano.

Nave Yesu árwa úlumano, alocha, Ikuru sothe sene sovahiwa wa Miyo Wirimu ni vathi vano.

Nyenya ngelo áhákhula, ii wa athiana awo, Muhóve nyuwo: vawi kosuwela nyuwo munavya Yesu, yowo áthomeyiwe. Yowo hámo munno hoe; vawi ávinya, ntoko álonchiye. Rwani munno mone nipuro mummo ákonniye’mo Apwiya.

Vavo Yesu álochano, Muhóve: haweni mwaléle annaka, wi erowe o Galileya, nave enarwa‐ekóna Miyo wiwo.

Nave yáthukumannaya vamoha ni atokwene, yávanela, evaha icharama sinchipale wa asurutato ale, yi, Lochakani, wi, óhuserya’we yárwa ohiyu, emwiya Yole hiyo n’rikimrupa. Nave ela yiweya wa chamasowa, hiyo n’narwa‐nimuthoriherya, nave n’narwa‐niwerelani nyuwo wi muhipe murima. Nave yawo yáhákhela icharama iho, yera ntoko yáthoriheryiwaya: nave ovuwa iwo wávuwa mwa aYuda, ophiyerya olelo vava.