Popular Bible Verses from Matìyò 28

Deildu

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye. Mbə̀ chwiti inug inɔb mbe se zùgrə tikə tijìm te ne mə̀ ya nàʼi inən. Mbə̀ kyeri gha, mə biri yaʼ amə tì inən mà nyumə̀ ijìm anene isəg nwḭ̀yḛ̀.”

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Angirə̀ we ya ghà abə mə̀yi mbe gha, “Imbə̀ʼ mbə̰ bɔ awən. Mə kyèri gha mbə̰ ya kə̀bə̀ Yeso we ne mbi ya kɔ̀mbi igun azed abaʼri. Chəyi məd aŋa. Wì fə zweme kwàʼ icheg ne wì ya gha inən. Mbə̀ yeʼe bàd asiŋi ne mbi kə nɔŋi awu məd angu.

Wì ya si ghà inɔb gha, “Imbə̀ʼ mbə̰ bɔ awən. Mbə̀ gho ghà abə ìmbum məfi gha mbe gho a Galìli mbi biri bàd amə angu.”

Itog bəd mbàn Ŋwiye tì itog bəd inga aben ya fete ni chuʼri anug ne mbi biri ghì. Mbɔb ya chuʼri ane nàʼ ikab nɔʼ nɔʼ abə mə̀sogyì mbe, si ghà inɔb gha, “Mbə̀ gha gha, ‹À ya mə̀mə̀nənùg məd yèʼe ji awu məd izimi anyumə̀ ne te kə̀ gwḛ.› Gɔbnà mə zug anug azo̰, tì biri kyeri anug ni gha ibo ni chì awən inga ngəʼ.” Mə̀sogyì mbe ya niŋ ikab we bə̀ ghà kwàʼ icheg ne mbi ya gha inɔb gha mbe gha. Mə̀Ju kiri biri chètè anug ako azo̰ pè tèchɔ̀ŋ.