Popular Bible Verses from Matìyò 26

Deildu

Mbə̀ chughi ikyèʼi chàʼra Ŋwiye ni gha imbə̀ʼ mbə̰ nɔ̀ʼ nyi inga àkwàʼrì. Fìŋ ze kə̀bə̀ gha mbə̀ ghiyə anug ne koʼi, si ya gha, nyàmnyɔd bɔd.”

Ane, wì ya ghà inɔb gha, “Àsɔ̀mnì fə sweg inum inga fìŋ se kə̀bə̀ ni zweti amə. Mbə̀ chughi aŋa bə̀ yaʼ ikyèʼi.”

Icheg ne wì ya gha ane, wì ya sùngì ghò imbìghè iki piʼì pè kùbri ìfe aseg, chàʼra Ŋwiye gha, “Ìmə Mbaʼ, icheg mə̀ yaʼ àghò chiye ngəʼ ìzo̰ igun inum. Si ya gha, àghò ghiyə yaʼ anug ne àghò kə̀bi, kayi àze ne mə̀ kəbi.”

Aŋa ya àmə anəm ne Ŋwiye fə niŋi ni wàd ikan feg tì inən angu. Anəm azo̰ ya àze ne biri chəmbi imbə̀ʼ ìtḛ̀ bəd nɔʼ nɔʼ ni ghì gha Ŋwiye waʼ ìmbɔb inug tibɔ̀ŋ.

Anyumə̀ ne Yeso tì ìmbi mə̀mə̀nənùg yaya se jə̀ghə, Yeso ya niŋ chiŋ ngə̀ŋ mə̀kara, chàʼra Ŋwiye, bə̀ʼri, nàʼ abə mə̀mə̀nənùg mbe, si ghà inɔb gha, “Mbə̀ niŋ jəg. Aŋa ya ìmə nyàmnyɔd.”

Yeso ya bə̀ niŋ toʼ mənoʼ, chàʼra Ŋwiye, nàʼ toʼ mənoʼ ze inɔb, si ghà inɔb gha, “Mbə̀ niŋ no mbə̰ məjìm.

Wì ya bə̀ndi ghò a asiŋi ne mə̀mə̀nənùg məd mbe mətad ya yaʼi angu, pè bàd gha mbɔb yaya gwḛ awɔb. Ane, wì ya biri abə Pità gha, “Ane ya gha chəyi tì mbə̰ chughi ikyèʼi tì inum ane awà fìbì?

Mə ghà inən gha, chəyi mə̀ biri ywìri no mənoʼ mbo̰ pè ane aneg ze ne mə̀ biri si no mənoʼ feg tì inən inga anug ìfɔ̀n ìmə Mbaʼ.”

Ane, Pità ya si wèndi anug ze ne Yeso ya ghà ibo gha, “Bɔŋ inɔm ngub we se tɔ̀ŋɔ, àghò biri fə ton awe aghəm atad gha chəyi àghò kyèri amə.” Icheg ne wì ya wendi ane, wì ya dù ghò isəg dèg se mèʼè məchə.

Mbə̀ nɔ̀ʼɔ tì gho! Wə̀d we ne fḛ amə gho̰ fə se aŋa!”

Yeso ya ghà abə wə̀d we ne ya chɔʼi ibeg ibid gha, “So ìwe ibeg ibid inga baʼ. Kyeri gha, wə̀d ne zɔ̀ŋɔ̀ chɔ̀ʼɔ ibeg igun wə̀d biri bə ku ichug ibeg.