Popular Bible Verses from Matìyò 23

Deildu

Wə̀d ne beri ati ne taŋ faŋ abɔ̀ʼ inən bèrì ni yaʼ ìwən wə̀d àfàʼì.

Wə̀d ne nɔ̀ nyɔd, Ŋwiye biri swi aməd aseg. Wə̀d ne swi ìwi nyɔd aseg, Ŋwiye biri nɔ̀ aməd ikaŋ.”

Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi. Mbə̰ ya kwàʼ bəd ne bèmnè inug! Mbə̰ mbe ghàpà titeti min tì dil fɔrɔ kumìn ane iba ìghum, nàʼà aba afibì abə Ŋwiye. Si ya ghi, mbə̰ mbe se wàʼra inug ne beri ati chè inug ijìm inga mə̀nɔ̀ʼɔ̀. Inug mbe ya: anug ni ghì inug ne koʼi, tì anug ni bèrì àsɔ̀mnəfiŋ, fɔrɔ anug ni bèrì ibḛfiŋ. Mbə bèrì ni fàʼ inug mbo̰ kwàʼ ijìm witì sàŋì àze mɔ̀ʼɔ.

Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi! Mbə̰ ya kwàʼ bəd ne bèmnè inug! Mbə̰ mbe sò njìm toʼ fɔrɔ njìm akaŋ, si ya gha, ighi ne sweghi inga toʼ te fɔrɔ ikaŋ mbe ya ighi ne mbə ghəʼri niŋ abə bəd fɔrɔ ighi ne mbə ghəʼri pàŋì abə bəd.

Yeso ya chè imbìghè gha, “O Jèrusalèm! Àghò we zwète bədkə̀n Ŋwiye bə̀ tùmbə bəd ne Ŋwiye tɔ̀mi ine ane ateg. Mə fə kə̀b ni ywìri feti ìmbe bɔn icheg ne ngɔb ngub we fète ìmbi bɔn aton ìti tibabì, si ya gha, chəyi àghò we bḛ gha mə̀ ghiyə ane.

À ya bə̀ ane ne, bəd mbe nḛ̀ awən gha mbə̰ təm kòʼ, ne à ya inug bemni tì inug izəg sweghi inən inga fìŋ!