Popular Bible Verses from ၸႃႇၶရီႉ 4

Deildu

မၼ်း​ၼၼ်ႉ​ၵေႃႈ ၶိုၼ်း​လၢတ်ႈ​တီႈ​ၵဝ်​လႄႈ​ဝႃႈ၊ ၼုၵ်ႈၵပၢတ်ႈ ထႃႇဝရႃႉ​ၽြႃး ဢၼ်​ႁွတ်ႈ​မႃး​တီႈ​ ၸေႇရူႉပႃႉပေႇလႃႉ ​ၸမ်ႉ၊ လွင်ႈ​တၢင်း​ၼႆႉ တၵ်း​ပဵၼ်​ၵွပ်ႈ​ပိူဝ်ႈ ႁႅင်း​ပလႃႉ ဢမ်ႇ​ၸႂ်ႈ၊ တၵ်း​ပဵၼ်​ၵွပ်ႈ​ပိူဝ်ႈ ႁႅင်း​တၼ်း​ၶူဝ်း ဢမ်ႇ​ၸႂ်ႈ၊ တၵ်း​ပဵၼ်​ၵွပ်ႈ​ပိူဝ်ႈ ဝီႉၺိၺ်ႇ​ၵဝ်​ဢေႃႈ၊ ဝႃႈ​ၼင်ႇ​ၼႆ​လႄႈ ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး မီး​ဢမိင်ႉ​ဢေႃႈ။

ၽူႈ​လႂ်​လႆႈ​ႁဵတ်း ဢမ်ႇ​ပေႃး​ၼင်ႇ​ႁိုဝ် တီႈ​မိုဝ်ႉ​ဝၼ်း ဢၼ်​ႁဵတ်း​လွင်ႈ​တၢင်း​ဢၼ်​လဵၵ်ႉ​၊ဢၼ်​ၼွႆႉ ၸိူဝ်း​ၼၼ်ႉ။ မၢၵ်ႇ​တႃ​ထႃႇဝရႃႉ​ၽြႃး ဢၼ်​ၸၢင်ႈ​ၶုၼ်ႇ​လႅၼ်ႈ​ၵႂႃႇ ၶုၼ်ႇ​လႅၼ်ႈ​မႃး ၵႃႈ​ၼိူဝ်​ၼႃႈ​လိၼ် ၵူႈ​တီႈ​ၵူႈ​လႅၼ် ၸဵတ်း​ပႃး ၼၼ်ႉ ဢွၼ်​ၵၼ်​ႁၼ်​ၸိူၵ်ႈ ဢၼ်​ၶပ်ႉ၊​ဢၼ်​တႅၵ်ႈ မီး​ယူႇ​ၵႃႈ​ၼႂ်း​မိုဝ်း ၸေႇရူႉပႃႉပေႇလႃႉ ​ၼၼ်ႉ​လႄႈ ၸူမ်း​သိူဝ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

မိုဝ်း​ ၸေႇရူႉပႃႉပေႇလႃႉ ​ၼၼ်ႉ ၶျႃး​ငဝ်ႈ​ႁၢၵ်ႈ တိူၵ်ႈ​ႁိူၼ်း​ၸဝ်ႈ​ၼႆႉ ဝႆႉ​ယဝ်ႉ။ မိုဝ်း​မၼ်း​ၼၼ်ႉ တၵ်း​လႆႈ​ၵွႆ​ႁႂ်ႈ​ယဝ်ႉ​၊ႁႂ်ႈ​တူဝ်ႈ​ဢေႃႈ။ မႂ်း​တၵ်း​လႆႈ​ႁူႉ​လွင်ႈ​ဢၼ် ၸဝ်ႈ​ပူဝ်ႇ​ပႃႇ​ၵၢင်​ႁၢဝ် ထႃႇဝရႃႉ​ၽြႃး​ပွႆႇ​ၸႂ်ႉ​ၵဝ်​ၸူး တီႈ​သူ​ၼၼ်ႉ​ဢေႃႈ။