Popular Bible Verses from أيث-روما 10

Deildu

قَا مڒَا ثْشهْذذ س وقمُّوْم نّش إِلَّا عِيْسَى ذ سِيذِيش، مڒَا ثُوْمْنذ س وُوْڒ نّش إِلَّا أَربِّـي يسكَّر-يث-يذ زِي ڒْموْث، أَتَاف اَذ تْنجْمذ.

لِأَنَّا س وُوْڒ نّش شك تَامْنذ، أَش يسمْصْڒَاح أَربِّـي اَكِذس. أُو س وقمُّوْم نّش شك ثْشهّْذذ، شك ثْنجْمذ.

فَلِهَذَا، لإِيمَان يتَاس-د زِي مِين نتْسْڒَا، أُو مِين نْتسْڒَا نتَّا ذ اَوَاڒ ن لْمَسِيح.

أَقَا لْكِتَاب يقَّار: <مَارَّا ونِّي زَّايس غَا يَامْنن وَار ث يتْخِيِّيب شَا.> لِأَنَّا وَار ذِنِّي بُو ڒْفَارْق جَار يئِسْرَائِيليْين ذ يِنِّي وَار يدْجِين شَا زِي أَيث-إِسْرَائِيل مِينْزِي سِيذِي أَربِّـي ذ يجّن، أَقَاث خَانغ مَارَّا. ئِتنْفيَّاض-د ڒْخِير نّس خ مَارَّا ونِّي خَاس يتْڒَاغَان. أَقَا <مَارَّا ونِّي إِي غَا يڒَاغَان س يِيسم ن سِيذِي أَربِّـي اَتَاف اَذ ينْجم.>

أُو مَامّش غَا ݣّن اَذ حدّْثن مڒَا وَار ذَاسن د يسّكّ حَدّ؟ أَقَا يقَّار لْكِتَاب: <مشْحَاڒ صبْحَان يضَارن ن يِنِّي يتْبشَّارن س لْإِنْجِيل.>

إِذن، مَامّش غَا ݣّن اَذ ڒَاغَان خ ونِّي إِي زِي وَار يُوْمِينن شَا؟ مَامّش غَا ݣّن اَذ اَمْنن زݣ ونِّي ؤُمِي وَار خَاس سْڒِين شَا؟ مَامّش غَا ݣّن اَخَاس سْڒن مڒَا وَار ذَاسن يتْحدِّيث حَدّ؟

لِأَنَّا لْمَسِيح ذَايس ذِي نتَّا إِي ثْكمّڒ شَّرِيعَا حمَا مَارَّا وِي زَّايس غَا يَامْنن اَذ يمصْڒَاح اَك أَربِّـي.