Popular Bible Verses from مرقس 13

Deildu

أَكنِّيو عِيفّن مَارَّا يوْذَان عْلَاحْسَاب يسم ينُو، وَلَكِن ونِّي غَا يصْبَرن غَار ونݣَّارُو اَتَاف اَذ ينْجم.

حْضَام يخْف نْوم، إِڒِيم عْلَابَال ڒَاحقَّاش وَار ثسِّينم شَا مڒْمِي د غَا ثَاس ڒْوقْث نِّي.

خْمِي كنِّيو غَا اَوِين حمَا اَكنِّيو سلّْمن غَار شّْرَع، بْڒَا مَا ٱذ تيْسِيم اَمْنُوْس ذ اَمزْوَارُو ذِي ڒَعْقُوْڒَاث نْوم مين غَا ثِينِيم؛ لَّا، أَوَاڒن نِّي إِي غَا ثِينِيم ذ أَربِّـي إِي ذَاوم ثن غَا يُوْشن ذِي ثْسَعَّات نِّي. وَار يدْجِي بُو ذ كنِّيو إي غَا يسِّيوْڒن؛ لَّا، أَذ يسِّيوڒ أَرُّوْح يقدّْسن.

أَذ يفْنَا وجنَّا ذ ثْمُوْرْث، وَلَكِن اَوَاڒن ينُو وَار فنِّين شَا عمَّارْص.

شُوْف، نْهَار نِّي نِغ ثْسَعَّات نِّي وَار ت يسِّين ؤُڒَا ذ يجّن، لَّا لْمَلَائِكَاث ذݣ وجنَّا ؤُڒَا ذ مِّيس. ئِسّن-يت غِير بَابَا وَاحْذس.

خْمِي غَا ثسْڒَام خ لْحُرُوْب ذ ڒخْبَار ن لْحُرُوْب وَار تݣّْوْذث شَا، لَابُد زِي مَانَايَا. وَلَكِن دُّنشْت-أَ عَاذ وَار ثْفنِّي شَا.

خ مَانَايَا فَاقم بَعْدَا، قَا وَار ثسِّينم مڒْمِي د غَا يذْوڒ بَاب ن ثدَّارْث. وَار ثسِّينم مَا اَݣ وعشِّي نِغ غَار ڒْوسْط ن دْجِيڒث نِغ خْمِي غَا يدّن ويَازِيض نِغ غَار ڒفْجَر. غَارْوم اَذ د يَاس عْلَاغَفْلَا اَكنِّيو يَاف ثطّْصم! مِين ذَاوم قَّارغ، قَّارغ-ث إِ مَارَّا: ئِڒِيم عْلَابَال!"

دُّوْلَا اَذ تهْجم خ دُّوْلَا، لْممْلَكَا اَذ تهْجم خ لْممْلَكَا. أَذ يِيڒِي جُّوْع اَذ يوْقع زِّنْزَال ذݣ وَاطَّاس ن يمُوْشَان. مَانَايَا اَذ يِيڒِي اَمشْنَاوڒحْرِيق اَمزْوَارُو ن ثمْغَارْث إِي يتَارْون.

أَقَا ذ اَمزْوَارُو يتْخصَّا اَذ يتْوَابشَّر لْإِنْجِيل إِ مَارَّا ڒݣْنُوْس.

أَطَّاس إِي د غَا يَاسن س يِيسم ينُو زَعْمَا اَذ ينِين قَا نش ذ لْمَسِيح! أَذ خذْعن اَطَّاس ن يِوْذَان.

حْضَام يخف نْوم! أَكنِّيو سلّْمن إِ لْمَحْكَمَاث، أَكنِّيو ؤُوْثن ذِي ثمْزِيذَاوِين نْسن. أَذ تْبدّم زَّاث إِ لْحُكَّام ذ يزدْجِيذن عْلَاحْسَاب يسم ينُو حمَا اَخَافِي ثْشهْذم.

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن إِڒِي خذْعن ؤُڒَا ذ يِنِّي يخْضَر أَربِّـي.

منْبَعْد إِ تَمَارَا ن ڒِيَّام نِّي، ڒخْدّنِّي ثْفُوْشْت اَذ تذْوڒ ذ ثَادْجسْت، ثَزِيرِي وَار تِيشّ بُو ثْفَاوْث. ئِثْرَان اَذ د وْضَان زݣ وجنَّا، يِنِّي يجهْذن ذݣ وجنَّا اَثن يسنْهزّ أَربِّـي.