Popular Bible Verses from متى 16

Deildu

سّنِّي يسِّيوڒ عِيْسَى اَك يمحْضَارن نّس ينَّا-ٱسن: "ونِّي يخْسن اَذَايِي يذْفَار نش، لَابُد اَذ يسْمح ذݣ يِيخف نّس اَذ يكسِّي صَّلِيب نّس اَذَايِي يذْفَار.

نش عَاوذ اَقَا قَّارغ-اَش: شك ذ بُطْرُس، يعْنِي ذ <اَزْرُو.> خ وزْرُو-يَا اَذ بْنِيغ نش جْمَاعث ن ڒْمُوْمِنِين ينُو، ثِوُوْرَّا ن لْجَحِيم وَار زَّايس تِيوِينْت وَالُو!

أَذَاش ؤُشغ ڒمْفَاتَح ن ڒْمُلْك وجنَّا. مِين غَا ثْشدّذ ذِي ثْمُوْرْث اَذ يِيڒِي يتْوَاشدّ ذݣ وجنَّا. مِين غَا ثرْزْمذ ذِي ثْمُوْرْث اَذ يِيڒِي يتْوَارْزم ذݣ وجنَّا."

ڒَاحقَّاش ونِّي يخْسن اَذ يسنْجم ثُوْذَارْث نّس اَتَاف اَت يخْسَر. ونِّي غَا يخْسَرن ثُوْذَارْث نّس خ سَّبَاب ينُو اَتَاف اَت يَاف.

مِينْزِي غَا ينْفع بْنَاذم مڒَا يرْبح دُّنشْت-أَ قَاع وَا يخْسَر ڒَعْمَر نّس؟ مِين غَا يُوْش بْنَاذم ذݣ ومْشَان ن ڒَعْمَر نّس؟

ينَّا-ٱسن عِيْسَى إِ يمحْضَارن نّس: "ئِي كنِّيو، مِين ذَايِي د تَارَّام نش؟" ئِنْدق-د سِمْعَان بُطْرُس ينَّا-ٱس: "شك ذ لْمَسِيح، مِّيس ن أَربِّـي يدَّرن."

ڒخْدّنِّي ينَّا-ٱس عِيْسَى: "سَّعْذ نّش آ سِمْعَان، آ مِّيس ن يُوْنَا! وَار يدْجِي بُو ذ شَا ن بْنَاذم إِي ذَاش د يسْمظْهَارن مَانَايَا منْغِير بَابَا يدْجَان ذݣ وجنَّا.