Popular Bible Verses from متى 14

Deildu

وَلَكِن يݣّْوذ وَامِي يࢲْرَا اَرِّيح يتْصُوْض س جّْهذ. ئِبْذَا يغَرّق، يسْنكَّر ثْغُويِّث ينَّا: "آ سِيذِي، عْثق-ٱيِي!" ڒخْدّنِّي يُوْشَا-ٱس عِيْسَى فُوْس نّس يطّف-يث ينَّا-ٱس: "لْإِيمَان نّش ذ وقْلِيل وَاهَا، مَايمِّي إِي ذَايِي ثْشكّذ؟"

وَلَكِن يݣّْوذ وَامِي يࢲْرَا اَرِّيح يتْصُوْض س جّْهذ. ئِبْذَا يغَرّق، يسْنكَّر ثْغُويِّث ينَّا: "آ سِيذِي، عْثق-ٱيِي!"

ڒخْدّنِّي ينَّا-ٱسن عِيْسَى: "أَهْنَام! أَقَا ذ نش، وَار تݣّوْذم شَا!"

ينَّا-ٱس بُطْرُس: "آ سِيذِي مڒَا ذ شك، ڒَاغَا-ٱيِي-د اَغَارك د اَسغ خ وَامَان." ينَّا-ٱس عِيْسَى: "أَرَاح-د!" ئِكَّر يهْوَا-د بُطْرُس زِي ثْغَرَّابُوْت يݣُّوْر خ يضَارن خ وَامَان غَار عِيْسَى.

أُوشَا سجّْذن-اَس يِنِّي يدْجَان ذِي ثْغَرَّابُوْت نَّان: "ذ صَّح، شك ذ مِّيس ن أَربِّـي!"

ينَّا-ٱسن عِيْسَى: "مَايمِّي غَا رَاحن؟ ؤُشم-اَسن كنِّيو مِين غَا شّن." نَّان-اَس يمحْضَارن نّس: "نشِّين غَارْنغ ذَا غِير خمْسَا ن ثْخبَّازِين ذ ثْنَاين يسڒْمَان."

ينَّا-ٱسن: "أَوِيم-اَيِي-د مَانَاينِّي غَارِي نش." يُوْمَر ڒْغَاشِي نِّي اَذ قِّيمن خ اَرْبِيع. يطّف خمْسَا ن ثْخبَّازِين نِّي ذ ثْنَاين ن يسڒْمَان نِّي، ييْسِي ثِيطَّاوِين نّس غَار وجنَّا يشكَّر أَربِّـي. يرْزَا ثِخبَّازِين نِّي خ ثْنَاين يُوْشَا-ٱسن-ثنْت إِ يمحْضَارن نّس، ڒخْدّنِّي فرْقن-ثنْت خ يِوْذَان نِّي مَارَّا.

مَارَّا شِّين جِّيوْنن. كَّرن جمْعن مِين خَاسن يشطّن، ثنْعَاش ن ثقْرَابِين عمَّرنْت س يڒقُّوْزن.