Popular Bible Verses from ಯೋಹಾನೆ 11

Deildu

ಯೇಸು ಆಲೆಡ, “ಯಾನೇ ಸೈತಿನಾಕುಲೆಡ್ದ್ ಕುಡ ಲಕ್ಕುನಾಯೆಲಾ ಜೀವಲಾ ಆದುಲ್ಲೆ, ಎನನ್ ನಂಬುನಾಯೆ ಸೈತೆಡಲಾ ಬದುಕುವೆ. ಬೊಕ್ಕ ಏರ್ಲಾ ಜೀವೊಡುಪ್ಪುನಗ ಎನನ್ ನಂಬಿನಾಯೆ, ಏಪೊಗ್ಲಾ ಸೈಯಯೆ, ಉಂದೆನ್ ಈ ನಂಬುವನಾ?” ಅಂದ್‌ದ್ ಕೇಂಡೆ.

ಯೇಸು ಆಲೆಗ್, “ಈ ನಂಬಿಯಡ ದೇವೆರೆ ಮೈಮೆನ್ ತೂವ ಅಂದ್‌ದ್ ನಿಕ್ಕ್ ಪಂತಿಜೆನಾ?” ಅಂದ್‌ದ್ ಉತ್ತರ ಕೊರಿಯೆ.

ಯೇಸು ಕಣ್ಣೀರ್ ದೆತ್ತೆ.

ಯೇಸು ಉಂದೆನ್ ಕೇಂಡ್ದ್, “ಈ ಸೀಕ್ ಸೈಯೆರೆಂದ್ ಬೈದಿನವು ಅತ್ತ್, ಉಂದೆಡ್ದ್ ದೇವೆರೆ ಮಗಕ್ ಮೈಮೆ ಉಂಡಾಪಿಲೆಕ್ಕ, ದೇವೆರೆ ಮೈಮೆಗಾದ್ ಬೈದಿನವು,” ಅಂದ್‌ದ್ ಪಂಡೆ.

ಅವೆನ್ ಪಂಡಿ ಬೊಕ್ಕ ಮಲ್ಲ ಸ್ವರೊಟ್ಟು, “ಲಾಜರ, ಪಿದಯಿ ಬಲ!” ಪಂಡೆ ಸೈತ್ ಪೋತಿನಾಯೆ ಪಿದಯಿ ಬತ್ತೆ. ಆಯನ ಕೈಕಾರ್ ಕುಂಟುಡು ಕಟ್ಟ್‌ದಿತ್ತ್‌ಂಡ್, ಆಯನ ಮೋನೆ ಕುಂಟುಡು ಸುತ್ತುದಿತ್ತ್‌ಂಡ್. ಯೇಸು ಅಕ್ಲೆಡ, “ಅವೆನ್ ಗಿರ್ಪುಲೆ, ಆಯೆ ಪೋವಡ್,” ಪಂಡೆ.

ಯೇಸು ಕುಡ ಮನಸ್‌ಡ್ ಕರಗೊಂದು ಸಮಾಧಿದ ಕೈತಲ್‌ ಬತ್ತೆ. ಅವು ಒಂಜಿ ಮಾಟೆ ಆದಿತ್ತ್ಂಡ್ ಐತ ಬಾಯಿಗ್ ಒಂಜಿ ಮಲ್ಲ ಕಲ್ಲ್ ದೀದ್ ಮುಚ್ಚಿದಿತ್ತೆರ್.

ಈ ಪಾತೆರ ಪಂಡಿ ಬೊಕ್ಕ ಅಕ್ಲೆಗ್, “ನಮ ಸ್ನೇಹಿತೆ ಲಾಜರೆ ನಿದ್ರೆ ಮಲ್ತೊಂದುಲ್ಲೆ; ಯಾನ್ ಆಯನ್ ನಿದ್ರೆಡ್ದ್ ಲಕ್ಕಾಯೆರೆಗಾದ್ ಪೋವೊಂದುಲ್ಲೆ,” ಪಂಡೆ.