Popular Bible Verses from 1. Mose 39

Deildu

Un o baro Dewel his pash o Josefeste. Lauter, hoi job kras, his mishto. Un job atchas an o kheer peskro egiptikro rajestar.

Jaake mukas o Potifar halauter, hoi les his, an o Josefeskro wast un dikas ap tchi, kokres ap peskro chapen. Un o Josef his i shukar un railo mursh.

Un o pralstuno pral o stilepen das i tsele stilden an o Josefeskro wast. Un les his penepaske pral i tseli budi.

Un job las o Josefes un tchiwas les an o stilepen, kote, kai i stilde o baro rajestar stildo his. Har job kote an o stilepen his, his o baro Dewel pash leste, un his kamlo ap leste un kras, kai hi o pralstuno pral o stilepen latches ap leste.

Ko diwes was, kai leskro rajeskri romni kamas les un penas: “Tchip tut pash mande!” Job kamas kowa gar un penas ap late: “Dik, miro rai dikell ap tchi an peskro kheer, jaake rah har me koi hom. Lauter krau me. Un hoi les hi, das job an miro wast. Kek hi bareder an kau kheer har me. Un miro rai rikras tchi peske har tut kokres. Tu hal leskri romni. Har nai anau hawi bari doosh ap mande, te krap kowa, hoi o Dewel gar kamella?”

Ap jek diwes, har job an o kheer was, te krell lo peskri budi, his kek wawar budepaskro koi. Koi tapras joi les ap leskro ripen un penas: “Tchip tut pash mande!” Koi mukas job peskro ripen an lakro wast un nashas dran o kheer win.