Popular Bible Verses from 1. Mose 25

Deildu

O baro Dewel penas ap late: “Tu weh i dai dui tchawendar. Kol dujendar wenna bud menshe, jaake bud, kai hakenestar jek natsjona wella. Ko terneder well sorleder har ko phureder un well o rai pral leste.”

Koi penas o Esau ap o Jakobeste: “Muk man sik te chal ko lolo chapastar. Hom khino un man hi bari bok.” Doleske dan le les ko lab Edom.

Joi nai las kek tchawe. Un o Isaak mangas o baro Deblestar peskri romjake. Un o baro Dewel shunas ap o Isaak. Un i Rebekka, leskri romni, was an wawar koowa.

Penas o Esau: “Dik! Hoi molell man kowa lauter, te merau i bokatar?” Penas o Jakob: “De tut sowel!” Un job das pes sowel, te lell o Jakob halauter, hoi o phureder tchawo lella.

Pal leste was leskro phraal boldo. Job rikras peskro wasteha i heri peskro phralestar Esau. Doleske las job ko lab Jakob. O Isaak his 60 (shob-deesh) bersh phuro, har kol tchawe boldo wan.

O Isaak kamas te chal i viechendar, kai o Esau tapras. Un job kamas o Esaes budeder har o Jakobes. I Rebekka kamas o Jakobes budeder har o Esaes.