Popular Bible Verses from Ima̍tiyu 9

Deildu

Wu̍chē yī ɔla̍ā, Iji̍sɔ̄ɔsi ka de a̍chi̍kpo̍ yī nū bɛ̍ɛ̄nɛ̄ hīka, “I̍kri̍wu̍ gbo amu kpɛ̍ɛji la ɔchɔ̄chiya! Alu̍ku̍rɔ̍ nīi ge̍ē ya̍ ma̍ chī lɛ bāa ɔkplɛ̄ɛ̄ ma̍. Ala̍ ā jɔhā de Ādā ɔlɔjā nīi lɛ i̍kri̍wu̍ ɔchɔ̄chiya nūma̍ ma̍, nīi o̍ ge̍ de alu̍ku̍rɔ̍ mwɛbɛ tɛ̄rɔ̄ ge̍ ya̍ u̍ku̍rɔ̍ yī nū.”

Ala̍ gāa ge̍ chikpo̍ yī ochi̍chi̍ yī lɛlā yī Īpū yī Ɔwɔ nīi bī ma̍ ma̍ gɛ: “ ‘Ɔjā nīi chikpo̍ ma̍ - ɔlɛyaya nɛ; i̍ ɔjā ode pā um ɔpɔ̄pā ni̍.’ “Wu̍chē oji̍ nɛ, ami i̍ wā ge̍ē hī āchɛ nīi de lɛ kpakpa ba̍la Ɔwɔ ma̍ ɛra̍ ni̍. A̍kpla āchɛ nīi n wā ge̍ē hī ɛra̍ nīi e̍ ge̍ē pīyabɔ̄ta̍ hī lɛlā ɔdwɔ̄bi̍ a̍nɛ.”

O̍ ma̍ yɛ̄mɛ̄ yī āchɛ ɛla̍ā wa̍a̍ ma̍, o̍ mlɛ̍ha̍ de wa̍ kpɛ̍ɛji. Wu̍chē oji̍ nɛ, e̍ de kpo̍ hi̍yɛ̄ngura ji; e̍ i̍ lɛ wɔbɔ̄ otōtū ɔha̍lɔha̍ ni̍. E̍ lɛ ke̍e̍ bāa anyīyɛrɔ̄ nīi i̍ lɛ ɔ̄chɛ odeyīrɛ wa̍ ni̍ ma̍.

Iji̍sɔ̄ɔsi de po̍. O̍ hīya aa̍ ɔkɔ hīka, “Āchɛ nīi lɛ cha̍cha̍ ma̍ gba̍a ē chikpo̍ yī olobo̍chi̍? Je̍ka aa̍ āchɛ nīi kwi̍īyē ma̍ ē chikpo̍ yī olobo̍chi̍ a̍nɛ.

Iji̍sɔ̄ɔsi pīya bɛ̍ɛ̄nɛ̄ ge̍ ta̍ ipwo̍gra-ipwo̍gra ta̍ ba̍la wɔlɛ̍ɛchɛ yɛ̄mɛ̄mɛ̄, ngū āchɛ lɛlā abɔ̍ɔ la u̍nu̍ ogrēeyī yī wā, kā Wɔ̄kā Ɔlwɔnyɛ yī Ɔchwɔ̄lɛ̍ Oro̍ōre̍ yī Ɔwɔ de wa̍, nyiya āchɛ iyē oko̍ōku̍ ba̍la ɔjā oku̍ āchɛ iyē ita ɔha̍lɔha̍ wa̍a̍ abɔ̍ɔ.