Popular Bible Verses from Ilu̍uku 5

Deildu

O̍ kwɛ̍ɛjī lɛlā ɔkɔ̄ka ma̍, o̍ da Isa̍yi̍mɔ̄ɔn hīka, “Tu̍ wɔwu̍ nūma̍ īcha ga ɛbɛ ori̍īyī gɛ, hɛ̄ɛbɛ nīi ala̍ ge̍ ta̍ a̍bagalā ku̍ ɛbɛ̍!”

Isa̍yi̍mɔ̄ɔn ka de ɔ̍ hīka, “Ādā, alɔ chɛ̄rī kpɛ̍ɛ la oto̍tu̍ ge̍ ku ɔ̄chī, alɔ i̍ ku̍ ɔjɔ̄jā mɛ ni̍. A chī ka i̍ngɔ̍ɔ ma̍, n ge̍ē ya̍ i̍ngɔ̍ɔ.” E̍ ta̍ a̍bagalā tū ga yenyi ma̍, e̍ kla̍ ɛbɛ̍ kpɛ̍ɛ nīi a̍bagalā yɛ ge̍ē ku̍ ē mīyanya la aa̍.

Iji̍sɔ̄ɔsi wā ge̍ pīya ga ɛbɛ ɔlɛcho̍cho̍ ɔha̍ nīi o̍ ge̍ē hɔ̄ lōri̍īnū ma̍ gāa ge̍ē jɔhā.

N i̍ wā ge̍ē hī āchɛ ɔnɛ̄ɛhɛhi ɛra̍ ni̍. Āchɛ ɔdwɔ̄bi̍ nīi n wā ge̍ē hī wā ɛra̍ nīi e̍ ge̍ē pīyabɔ̄ta̍ hī lɛlā ɔdwɔ̄bi̍ ɔyɔ̍ɔ̄ya̍ a̍nɛ.”

Isa̍yi̍mɔ̄ɔn Ipi̍ta ma̍ lɛlā nūma̍ nīi ya̍ ma̍, o̍ de ūnōowu ɛpɛpa tū ajɛ de Iji̍sɔ̄ɔsi. O̍ da Iji̍sɔ̄ɔsi bɛ̍ɛ̄nɛ̄ hīka, “Tu̍ rɛ hī u, Ādā! Ma̍a ami - ɔ̄chɛ yī lɛbi̍ nɛ!”

Iji̍sɔ̄ɔsi hīya aa̍ ɔkɔ du̍mɔ̍ hīka, “Ɔ̄chɛ nīi lɛ cha̍cha̍ ma̍ gba̍a ē chikpo̍ yī olobo̍chi̍? Je̍ka okwi̍īyē chikpo̍ yī olobo̍chi̍ a̍nɛ!

E̍ bī wɔwu̍ yī wā ge̍ ku̍ lɛga ma̍, e̍ tu̍labɔ̄ hī ɔjāha̍-ɔjāha̍ wa̍a̍ pīya tāa Iji̍sɔ̄ɔsi.

Yɛ̄grāa ɔha̍, Iji̍sɔ̄ɔsi hɔ̄ abɔ̍ɔ la ipwo̍gra ɔha̍. Ɔngrɔ̄ɔ ɔha̍ hɔ̄ abɔ̍ɔ nīi imada kla̍ anu̍ miyēmiyē. O̍ ma̍ Iji̍sɔ̄ɔsi ma̍, o̍ wā ge̍ de lipu̍ kla̍ajɛ la iyɔ̄bū yī nū. O̍ ra̍ābɔ̄ de ɔ̍ hīka, “Ādā, o̍ ge̍ rīya awɔ, a chī ge̍ē ya̍ nīi n ge̍ē de ē lɛ cha̍cha̍ ē mɛ!” Iji̍sɔ̄ɔsi nā abɔ̄ kpaa de gwō ɔngrɔ̄ɔ ɔla̍ā, ka de ɔ̍ hīka, “O̍ rīya ami! De lɛ cha̍cha̍ gɛ!” Ɔpɔ̄ɔpɛ̄, imada de kwɛ̍ɛjī hī ɔngrɔ̄ɔ ɔla̍ā ibi̍īyē ke̍e̍.

Ɔla̍ā kpɛ̍ɛ nīi ohu yī Iji̍sɔ̄ɔsi mīyanya ga iyɔ̄bū iyɔ̄bū a̍nɛ. Āchɛ ē pɛ̍ kpɛ̍ɛ ē wā ge̍ē plɛ̍ɛ̄lā yī nū, hɛ̄ɛbɛ nīi o̍ ge̍ē nyiya aa̍ iyī oko̍ōku̍ yī wā.