Popular Bible Verses from Rɔm 14

Deildu

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe. Min mɛn bɛ́ dí nyɛɛ Krita nɛ bɛa yɔrɔ kɛ lɛ la, bɛa dɛnaa n kɔɔ̃n Lawa ganaa, ka minbuiinin dɔn nɛ.

A giala, bɛ̀ wɔ tan, wɔ n wɔ tan Dɛnaa a lɛa, bɛ̀ wɔ á giɛ̃ dɔn, wɔ ǹ giɛ̃ Dɛnaa a lɛa. Ta wɔ tan, ta wɔ ǹ giɛ̃, wɔ n Dɛnaa wɔn lɛa.

Sii mɛn bɛ́ toɛ, wɔ goã là nyantoro la kun, wɔ n dɔ kɔn lɛ, wɔ pàã yɛ kun golee Lawa li gɔ́ɔ̃ nɛ, ka daa wɔ n doa wɔ ga bɛ li.

Ka daa wɔ kiri kuru kɔn la lɛ da. Màn mɛn bɛ́ soɛ, a ba siĩni min nə ǹ miã nyanaa a da sii baraa-n wa.

A giala, a n kiɛ̃ nɛ: «Dɛnaa pɛ: Masɛ din yii bɛ́ koo ke, min din tumaa á re n musin kurumii tán ma yɔrɔ-a. Min din tumaa á re n lɛ buĩ a masɛ Lawa tɔ bɔ.» Bɛa yɔrɔ kɛ lɛ la, didie n die n bɔlɔ pii Lawa-n biɛ̃.

Min mɛn pàã bɛ́ kiɛɛrɛ golee Lawa li gɔ́ɔ̃ nɛ, ka lɛ kɔ a ganaa, ka baran liere kɔ a taasiɛn wɔ gɔn la wa.

Die n ka nsɛ nɛ, n tá kiri kuri min kɔsɔ a dí-nyali la? A dí sonbore nya laanka a dí baraa nya nɛ, ǹ kɔ́n ba n bǎã-n wa, ǹ tumaa na a goledɛnaa bǎã nɛ. A n die goɛ̃ dí sonbore nyɛɛ, a giala, pàã tá Dɛnaa lon a n dɔ lɛ, a ná a ba a baraa nyɛɛ wa.