Popular Bible Verses from Mar 13

Deildu

Ka tìĩ á re boe min tumaa nyin ni masɛ tɔ a lɛa. Sɛnɛ bɛ̀ min mɛn si a ganaa yǎa á woo kaa a giala-nyɔmiɛ lɛ, bɛa dɛnaa á die kirisibiɛ.

Ka yiri bɔ ka dinin li, ka n mìi saa lon, a giala, ka a biikoo doɛ̃ wa.

Bɛ̀ ń yaa ǹ nə́ ka kũ mà maǹ woe kiri we ka ganaa, ka baran saa lɛlɛ ka n gɔ́ɔ̃ bii ka kaa da ǹ boo-n wa. Lawa bɛ́ re boo mɛn koe ka la bɛa biikoo lɛ gɔ́ɔ̃ nɛ, ka bɛ lɛ pɛ. A giala, a bie boe ka dinin ni wa, Yiri Fu n die kaa da ǹ boo we ka lɛ-n.

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa.

Sɛnɛ, min kɔ́n ba Min a Nɛgiĩ a daa pinaa laanka a daa biikoo doɛ̃ wa, haalɛ lon a dia dí-a wolen dinin ba doɛ̃ wa, Lawa a Nɛgiĩ dɔ dinmaa ba doɛ̃ wa, yǎa Díi Lawa dinsɔɔ̃.

Bɛ̀ ka ma mà zia á kunu ka ganaa, hinlaa mà á sɔsɔɔ, ka baran nyɛ́ɛ baa wa. Bɛ doamaa nɛ a n zɛnaa, sɛnɛ, kanaa a nya bie ka bɛ-n bɔrɔ wa.

Ka dɔn nə n yii toa koo, a giala, ka a kiondɛnaa lɛ a daa biikoo doɛ̃ wa: wasamiɛn nɛ la, làan nɛ la, koonən wuu pɛ waáraa-n la, hinlaa baayɛlɛ, min ba doɛ̃ wa. Ka nyan toa a da ka tɔwaa tán nyuù-n wa. Masɛ bɛ́ boo mɛn pii ka-n ke lɛn, man bɛ lɛ pii min tumaa nɛ: Ka n yii toa koo!»

Tɔrɔ á re zia biɛ tɔrɔ kɔsɔ ganaa, gána á re zia biɛ gána kɔsɔ ganaa. Tán tá re bìn diɛ bǎã gigiã nɛ, bòo dɔ á re we. A giala kɔ ǹ gɔn nɛ ka bɛ nɛ, ka lɔ a nɔɔ̀rɔ kɔ ǹ gɔn bɛ́ lɔn.

Lawa a Boo Tii Kɔɔ̃n doamaa nɛ a n pɛ tɔrɔ tumaa-n bɔrɔ, bɛ kio, bɛa siin lɛn nə tɔn nə n zɛnaa.

Min gigiã á re die ka masɛ tɔ nɛ, ǹ pɛ mà ǹsɛn man Minin Nyin-sili lɛ lɛa! Ǹ tá re min gigiã yiri siɛ̃.

Sɛnɛ, kasɛn nə yiri bɔ ka dinin li. A giala, minin tá re ka kuĩ ǹ wo kiri wɔ ka ganaa Zuifun lɛsɔkɔn kionən gɔ́ɔ̃ nɛ, ǹ ka duduwəə. Ǹ tá re woe ka nɛ pàãdɛnan laanka kiin yɔrɔ-a masɛ tɔ taman yii, bɛ lɛ n die toɛ ka masɛ boo da ǹ yɔrɔ-a.

A giala, min tɛn tá re die a soɛ kuru mà asɛ n Minin Nyin-sili lɛa, min tɛn dɔ á re die a soɛ kuru mà asɛ n Lawa a boo gii-dali lɛa. Ǹ tá re sii a kɔnbɔn laanka kaãbaa ǹ sii kakan zɛnɛɛ ǹ minin yiri sã nɛ. Bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Bɛa pinaa, nɔmaa lɛ a nya kio, wasa á die n biɛ nuunaa nɛ, mui ba re a folon kiɛ doo wa, a leeren tá re boboe lon ǹ kaa, lon màn pàãdɛnan dinin tumaa á re n lɔlɛkɔn.