Popular Bible Verses from Loma 8

Deildu

Ti bani ke U Tienu tuuni li bonla kuli nni, yaaba n bua o ŋamu po, bani, wan yini yaaba o yanjagili po.

Moala, n bani cain ke bonliba kuli kan fidi ki paadi ti leni U Tienu buama. Ba mi kuuma, ba li miali, ba malekinba, ba mi fawaama paaciami danba, ba yaala n ye moala ne, ba yaala n baa ti cua, ba i paaciami, ba yaaba n ye tanpoli, ba yaaba n ye tiipo, mi tagima kuli nni, liba kuli kan fidi ki paadi ti leni U Tienu n pia ti po yaa buama. O den doagidi laa buama, ti Diedo Jesu Kilisiti nni.

Li tie yeni, mi Fuoma moko todi ti ti tadingu nni, kelima tii bani lan pundi tin mia U Tienu yaa miabu ti jaandi nni. Ama mi Fuoma mani miba miadi U Tienu ti po, ki duni yaa dunli n ki pia maama.

Lan tie maama yeni, ti baa yedi be? U Tienu yaa taa ti po, ŋme n baa fidi ki sedi ti po?

Lanwani, moala buudi cuonuba ki go ye yaaba n ye Jesu Kilisiti nni po.

Yua kuandi o yama ti gbanandi n bua yaala yaa niinni, li baa gedini o mi kuuma po. Ama yua n kuandi o yama U Tienu Fuoma n bua yaala yaa niinni, li baa gobidi ki gedini o li miali leni mi yanduanma po.

Ama laa bonla kuli siiga, yua n den bua ti yeni, teni ke ti paadi likuli cain.

Lani yaa po, n bani ke tin laadi yaa fala yaa yogunu n tie ne, kan fidi ki boagini leni U Tienu n baa doagidi yaa kpiagidi, yaadi n baa yaa ye.

Ŋme n baa paadi ti leni Kilisiti yaa buama? Fala bi? Ti yanyagidi bi? O falabiado bi? Mi koma bi? Mi luoma bi? Yaa fala n baa fidi ki cuani mi kuuma bi? Bi ki jugisiega n baa paadi ti leni o buama?

U Tienu yua n biigidi bi niba pala, bani yaala n ye o Fuoma yantiali nni. U Tienu n teni ke o Fuoma miadi o, o nigagidiŋanba po, nani wani U Tienu n bua maama.

Mi Fuoma n gobidi yaaba kuli, bani n tie U Tienu bila.

Moamoani yaaba n tiendi ti gbanandi n bua yaala, kuandi bi yama ti gbanandi n bua yaala niinni. Ama yaaba n tiendi U Tienu Fuoma n bua yaala kuandi bi yama U Tienu Fuoma bua yaala yaa niinni.

Wani U Tienu, yua n kaa den yie ke o Bijua n le fala, den teni ke bi kpani o tikuli po. Lani, o Bijua yeni po, li baa gaa lede ke o kan pa ti li bonla kuli leni ti bulicindi?

U Tienu Fuoma mani miba n tiendi siedi ti yantiana nni, ke ti tie U Tienu bila. Ti yaa tie U Tienu bila, ti go tie bi faajieba moko. Ti tie U Tienu faajieba, ki baa taani leni Kilisiti ki je li faali. Ti yaa taani leni Kilisiti o fala nni, ti go baa taani leni o o kpiagidi nni moko.

Ti gbanandi n bua yaala tie U Tienu yibali, kelima laa tuo ki tiendi U Tienu bali maama n bili yaala. Li kan go fidi ki tieni la mo.

Mi tagima kuli guu leni mi sugincianma U Tienu n baa doagidi o bila yaa yogunu.

Ti bani ke hali moala mi tagima kuli ye leni fala, ki duni nani u maditugukoanu n cuo yaa pua yeni.