Popular Bible Verses from Loma 14

Deildu

U Tienu diema naa tie mi jiema leni li bonñokaala bebe ka. Ama, mi teginma , mi yanduanma leni li pamanli, U Tienu Fuoma Yua n teni ke ti pia yaala. Yua n tuuni Kilisiti po yeni, U Tienu pali baa yaa mani leni o, bi nisaaliba mo baa saa o po i moamoani.

kelima ti yaa ye, ti ye o Diedo po, ti yaa kpe mo, ti kpe o Diedo po. Lanwani, ti yaa ye leni ti yaa kpe kuli, ti tie o Diedo yaaba.

Lanwani, tin moandi ki yaa tiendi yaala n baa teni tin yaa mani leni ti lieba, ki go paagidi tiyaba pala U Tienu sanŋoadima nni.

Lanwani, tin cedi ki da ja ti lieba buudi. Ama yin jagi mani ki bili ke yi kan tieni yaala n baa tua yi kpiilo po, tantuudikaali bi tingbali bonla.

kelima li diani: «O Diedo yedi: ‹N ye ki fo, Dunli kuli baa gbaani n nintuali, Lanbu kuli baa kpiagi U Tienu.› » Lanwani, ti siiga yuakuli baa togidi U Tienu wan den tieni yaala kuli.

Yaa gaani mani yua n tadi li dandanli nni cangu, ki da nia leni o wan tama yaala po.

A tie ŋme, fini yua n ja nitoa naacemo buudi? O yaa se bonŋanla leni o yaa baa, li tie o canbaa maame. Ama o baa yaa se, kelima o Diedo pia u paalu, ki baa teni wan yaa se.