Popular Bible Verses from Mapookyony 28

Deildu

Neewe manya yeny shikee neewe, shikuringe wo ando kushendaa neeny nshekuviraa lyingyi fika yaa urukeny elu, mashika nshishekuraa-fo, kutani shainutya fyoose efyo shilekuvia.”

Na Nndumi Iruva kashesalala-u, kaamba, “Yeny ni Nndumi Iruva wa ndoo Abrahamu na Iruva wa Isaki; uruka elu yaa kulele shalukuniinga yewe na ufyari lwafo.

Yakobo kaokya rweny kaamba, “Ni dede Nndumi Iruva akee ando yaa, neeny nta shilamanyi.”

Yakobo kavika kyaasa kyakwe kaamba, “Iruva kankaa neeny, neeshiringa efo shieny yeyo nshiiraa, naveshininga shoonga yeelya na soori shiraa; neeny shammbuya kippwa kyeny kwa nde, llyo Nndumi Iruva ashevaa Iruva wakwa. Na iwe elyi shalyisaleesa sha ngo lyishevaa mmba ya Iruva, na efo findony efyo fyoose kusheshiningaa nshekuutyaa-u kyenga kya ikumi.”

Na ufyari lwafo lushevaa sha kiluulyi kya uruka, na yewe kushekwaana taari ya nkwaany na taari ya ngaminy, ndoo na sinde, neefo kwafo neefo ufyariny lwafo vandu woose va ulana vashevikywaa mbora.

Ando alya kavaangau Betheli, kyeendi irina lya muri eto kipooka ni Luzu.