Popular Bible Verses from Marko 4

Deildu

Kore payie einyoyieki, nebuaaki ilo kutati meitacho, nejoki inia paso, <<Ntirring'ai! Teperoi!>> Negira ilo kutati aitirring'a, nejo tau ꞉laing'ok le nkare. Nejoki ninche, <<Aanyo payie iatata ntae ngureticho? Ewuon ake miatata ntae nkurukoto?>>

Neiputukuny ninche naleng, nejokino, <<Aa ng'ae dei ele, eji paa kening lkutati o mpaso?>>

Kake kore Yeso neilura te siedi e meli eata ntoki nairichunyie nkue, neinyuoyie ꞉ninche ninye, nejoki, <<Laiteng'enani, aaku dei mara toki te iyie tinikindaaya?>>

Nejoki aitoki ninche, <<Entodol inia nining'ining, amu kore ake ninkoko tinining'ning naa nkiririkinoto e inia ake itumtum, nitumtum abaki nalang inia.

Neitoki ajoki, <<Kore nkitoria e Nkai naa nchi etuwuana ana tenelo ltung'ani aisuaaya lantarara aun too nkulupo. Kore nkata pooki naaku kuarie, neilura, neinyuototo ake aitoki nkata pooki tasiran, naa kore easita nejia neichipuchiputa ake lantarara aabulu, nemeyielo ninye neikuna payie easai inia.

Kore ilo oata nkiyiaa naaning'ichere, nchoo ening.>>