Popular Bible Verses from Marko 13

Deildu

Naa keibai ntae ltung'ana pooki tankaraki nkarna ai. Kake kore long'iri metabaki nkiting'oto, neitejeuni.

Errita ate nirripichocho, amu miyielolo aajo anu ebau inia kata.

Naa teneibung'i ntae, neichoori meiguanareki ntae, emiurie ewuon eng'or aajo nyo ijoijo. Kake kore ilo rerei oichori ntae inia kata, entejo amu mara ntae oiro kake Ltau Sinyati.

Kore keper o nkop naa keichunye, kake meichunye rereii lainien.

Kore kenya inia parri anaa inia kata naa meata hooyia loyielo. Meyielo abaki ꞉lmalaikani le chumata anaa sii Nkerai, mara ake Papa apeny.

Naa kore tinining'ning larrabali o lomon laa larrabali, emiguretu. Amu meatae ajo mepuku kuna kake ewuon ake eng'or nkiting'oto.

Entirripicho naa, amu miyielolo nkata nalotu lopeny nkang, tanaa teipa, tanaa kiji kuarie, tanaa teneiru lkoko, tanaa tasiran, pee mejo ake pang, neirrachu ntae ilurara. Kore ana najokita ntae naa kajoki ltung'ana pooki, <Entirripicho!> >>

Keinyuototo locho arare likae ocho, nera nkitoria o nkae nkitoria, nepuku nkikirikiroto e nkop too ng'ojitin kumo, nepuku sii lameii. Kore kuna, naa ng'asunoto e mion e saisai.

Kake kore ang'as, meata ajo melikini loreren pooki Lomon Supati.

Amu kepuonu lkumo ta nkarna ai ejo, <Nanu ilo lianyutata> neitopong'oo lkumo.

<<Errita ate! Amu keichoori ntae meiguanareki, neidong'i ntae taatua Sinagogini. Nintachoo tekue laitoriak o lkinkii tankaraki nanu, pee itumtum aaitai limunoto ee nenia naaipirita nanu tekue ninche.

Amu kepuonu kenya looitaakino Kristo o looitaakino loibonok le Nkai, neitodolu nkitodolunot o mbaa e nking'asia, payie teneidimai, neitopong'oo lgelunot.

<<Kake kore tee nenia perot, eicha ilo sina, <nemismisu ndama, nemeitai lapa wong'an enye, nesulunye lakir to loing'ang'e, neikirikirieki ngolon ee ntokitin naatii loing'ang'e.>