Popular Bible Verses from Romanos 14

Deildu

Pois o Reino de Deus non é comida nin bebida, senón xustiza, paz e alegría no Espírito Santo. Quen nisto serve a Cristo é agradable a Deus e considerado polos homes.

Se vivimos, para o Señor vivimos; e, se morremos, para o Señor morremos; así que, vivamos ou morramos, somos do Señor.

Procuremos, logo, aquilo que leva á paz e á mutua edificación.

Non nos xulguemos uns a outros, mais ben coidade de non lle pór ó irmán nin tropezo nin escándalo.

Porque está escrito: Pola miña vida, di o Señor: todo xeonllo se dobrará diante de min, e toda lingua ha de confesar a Deus. Por tanto cada un de nós dará conta de si a Deus.

A quen ten a fe débil, acollédeo sen criticar opinións.

Quen es ti para xulgar o criado alleo? Que siga en pé ou que caia, é cousa do seu Señor. Pero seguro que seguirá en pé, porque o Señor ten forza para o manter dereito.