Vinsæl biblíuvers úr Rum 3

Awit wong kabèh wis pada nggawé dosa lan kélangan kamulyané Gusti Allah, lan awit sangka kawelasané pada dibeneraké ora perlu mbayar lantaran ditebus Kristus Yésus.

ya kuwi apa sing dibeneraké karo Gusti Allah lantaran pertyaya marang Yésus Kristus, kanggo wong kabèh sing pertyaya, awit ora ana bédané.

Panjenengané wis ditetepaké karo Gusti Allah dadi dalané rukunan, awit sangka pengandel marang getihé. Bab iki ditindakké kanggo ngekèki keadilané, awit Panjenengané wis ngendek dosa-dosané sing wis kepungkur ing waktu kesabarané Gusti Allah. Karepé ya kuwi kanggo ngekèki keadilané ing jaman saiki, supaya ketara yèn Panjenengané kuwi bener lan uga mbenerké wong sing pertyaya marang Yésus.

Awit ora ana wong siji waé sing dibeneraké ing ngarepé Gusti Allah awit sangka enggoné netepi angger-anggeré Torèt; awit sangka angger-anggeré Torèt kuwi wong pada mangertèni dosa.

Kaya sing wis ketulis, tembungé: “Ora ana wong sing bener, siji waé ora ana. Ora ana wong siji waé sing nduwé pangertèn, ora ana wong siji waé sing nggolèki Gusti Allah. Wong kabèh pada nylèwèng, kabèh tanpa guna, ora ana sing nggawé betyik, siji waé ora ana.

Awit kita yakin, yèn manungsa kuwi enggoné dibeneraké awit sangka pertyaya, ora sangka enggoné netepi angger-anggeré Torèt.

Babar pisan ora! Malah kosok baliné: Gusti Allah kuwi maha bener lan manungsa kabèh tukang goroh, kaya sing ketulis, tembungé: “Supaya Panjenengan ketitik yèn bener ing sak kabèhé tembung Panjenengan, lan menang yèn Panjenengan diadili.”