Popular Bible Verses from Luk 23

Deildu

Ka Yisɔsȧŋ ɔ pa, ƆKas kȧmi, tera ŋa ȧtesoma-e aŋ tɛ hɛ ȧte mə aŋ yɔ. Kaŋ fak məthəŋ ta ȧsuma tɔŋ.

kɔ pa ro ŋɔŋ, Tɛntɛnɛ i kanɛ mu, thonɔŋ mə tə yi yi minɛŋ ka ɔdɛr ɔthɔfəl wa Kuru.

kɔ pa, Yisɔs, Nanɛ mi ma mə bek ka rȧbȧy ra mu.

Ka Yisɔsȧŋ ɔ sel ɛrɔŋ yi rim rəbɔli rəkɔm, ɔ pa, Kas ka mi-e, ka mȧta ma mu i lȧnki aŋesəm a mi. Ma ɔ po pa ȧte-e, ɔ ternɛ.

Ɔwa maŋ bek ka ɔdɛr ro a bont aŋgbɛŋkət-e, rə a tȧŋ kɔ ka akənt kəpəŋkinɛ, ɔwa aŋfəm aləs ŋarəŋ, ukin ka kȧdiyɔ, ɔlɔm ka kȧmɛrɔ.

Ɔwa pə yi mɔlɔ ma kagbat tamthərukin ka aŋgbeleŋ, ka asum abana aŋ thor ka ȧŋthɔf bɛ haŋ ka ȧŋlɔkɔ ŋa kagbat tȧmthərɛŋanlɛ ka aŋgbeleŋ. Aret rə biyȧ, ka ȧŋkunkla ŋa ȧŋseth ŋa Kuru aŋ gbaya ratɔŋ.

Ɔwa ma ɔkaptin ɔ nənk ȧte po yɔnɛ-e, ɔ thɔkəs Kuru, ɔ pa, Tɛntɛnɛ ɔwe-e, wuni lompi wɔŋ.