Vinsæl biblíuvers úr LUKA 9

Deildu

Yesu yavavoolela voosi, “Niiva mundu yenyanga khunonda, khutukha yileshitsi liiva lielie, nu khuchinga musalaba kwekwe shia khase khosi, manonde.

Mundu wenyanga khuhonyinya vulamu vwevwe aliitsa khuvukoritsa; navutswa mundu wenyanga khukoritsa vulamu vwevwe shichila lira lianje aliitsa khuvuhonyinya.

Yesu yamuvoolela, “Mundu uvukulanga lichembe liu khulimila nu khwishevukha inyuma avula vukhonyi mu Vwami vwa Nyasaye.”

Nu vukhala shina vwa mundu anyala khunyola niiva anyala khunyola shia shindu shiosi mu shivala, navutswa akoritsi vulamu vwevwe inoho khukuurwa?

Niiva mundu alandolela inzi nende mechitso kaanje tsisoni, Mwana wu Mundu aliitsa khumulolela tsisoni, lwa aliitsa khukalukha mu vukhumi vwevwe khandi mu vukhumi vwa Tata wewe, halala ni tsinjelosi tsindakatifu.

Yesu yamuvoolela, “Vivwe vimenyanga mu vwina, na manyonyi kamenyanga muvitsu; navutswa Mwana wu Mundu avulakhu havundu hanyala khukona nahulukha.”

navavoolela, “Mundu winjilitsanga mwana uyu khuvirila mu lira lianje, anzinjilitsanga; khandi mundu unzinjilitsanga, shikali anzinjilitsanga wonyene tawe, navutswa yinjilitsanga khandi woyo wanduma; shichila mundu uli mutititi mu munyi voosi, neye uli mukali muno.”