Popular Bible Verses from AROMA 10

Deildu

Tondũ-rĩ, ũngiumbũra na kanua gaku atĩ Jesu nĩwe Mwathani, o na gwĩtĩkia wĩtĩkie na ngoro yaku atĩ Ngai nĩaamũriũkirie oime kũrĩ arĩa akuũ, no ũhonoke

nĩ gũkorũo nĩ ngoro mũndũ etĩkagia nayo agagĩtuwo mũthingu, na nĩ kanua oimbũraga nako agakĩhonoka.

Gũgakĩoneka atĩ gwĩtĩkia kuumanaga na ũhoro ũrĩa ũiguĩtwo, nakuo kũigua gũũkaga nĩ ũndũ wa uuge wa Kristo.

Tondũ Maandĩko mekuuga atĩrĩ, Mũndũ o wothe ũmwĩhokete-rĩ, ndarĩ hĩndĩ agaconorithio. Amu ũhoro wa gũthurania Mũyahudi na Mũyunani gũtirĩ: nĩ gũkorũo Mwathani o ro ũcio nowe Mwathani wa andũ othe, na aikaraga o agĩtanahagĩra othe arĩa mamũkayagĩra. Nĩ ũndũ nĩ haandĩke atĩrĩ, Mũndũ o wothe ũgakaĩra rĩĩtwa rĩa Mwathani nĩakahonoka.

Ningĩ andũ maahota atĩa kũhunjia ũhoro matarĩ atũme?--o ta ũrĩa haandĩkĩtwo atĩrĩ, Magũrũ ma andũ arĩa mahunjagia ũhoro wĩ gĩkeno ũrĩa wa maũndũ mega, kaĩ nĩmaagĩrĩire-ĩ!

No rĩrĩ, mangĩkĩmũkaĩra atĩa matamwĩhokete? Na kũmwĩhoka mangĩkĩmwĩhoka atĩa matarĩ maaigua ũhoro wake? Na kũigua-rĩ, mangĩkĩigua atĩa gũtarĩ na mũhunjia?

Nĩ gũkorũo Kristo nĩwe kĩrigĩrĩria kĩa ũhoro wa watho harĩ mũndũ o wothe wĩtĩkĩtie agatũmaga atuwo mũthingu.