Popular Bible Verses from متّی 24

Deildu

تے بے دِینی وَدّھ جان نال بتھیریاں دی مُحبّت ٹھنڈی ہو جاوے گی۔ پر جیہڑا اخِیر توڑی قیم رہے گا سو ای نجات پائے گا۔

تے بادشاہی دی ایس خُوشخبری دی منادی ساری دُنیا وِچ کِیتی جائے گی۔ تاں جو سارِیاں قوماں نُوں گواہی ہوئے تَد اخِیر ہوئے گا۔

تے تُسی لڑائِیاں تے لڑائِیاں دِیاں افواواں سُنوں گے۔ خبردار کِتے گھابر نا جانا۔ کیوں جو ایہہ گلّاں تے ہونیاں ای نیں۔ پر اخِیر اجے نئیں اے۔

کیوں جو قوم قوم دے تے بادشاہی بادشاہی دے برخلاف اُٹھ کھلووے گی۔ تے تھاں تھاں کال تے بھونچال ہون گے۔ پر ایہہ سارِیاں شیواں مُصِیبتاں دا شُروع ای ہون گِیاں۔

اسمان تے زمین ٹل جان گے پر میرِیاں گلّاں کدی نا ٹلن گِیاں۔

کیوں جو بتھیرے میرے ناں اُتّے ایہہ آکھدے ہوئے آؤن گے پئی ”مَیں مسِیح آں۔“ تے بتھیریاں نُوں گُمراہ کر دین گے۔

تَد اوہ تُہانوں دُکھ دین لئی پھڑوا دین گے تے تُہانوں مار سُٹّن گے تے میرے ناں دے سبّب سارِیاں قوماں تُہاڈے نال وَیر رکھن گِیاں۔ تے اوس ویلے بتھیرے ٹھوکر کھا جان گے۔ تے اِک دُوجے نُوں پھڑوا دین گے تے اِک دُوجے نال وَیر رکھن گے۔ تے بُہت جُھوٹھے نبی اُٹھن گے تے بتھیریاں نُوں بد راہ کر دین گے۔

تے یِسُوع اوہناں نُوں جواب دِتّا۔ پئی ویکھو تُہانوں کوئی گُمراہ نا کرے۔

ایس کر کے تُسی وی تیار رہو۔ کیوں جو جِس گھڑی تُہانوں کوئی چِت چیتا نا ہوئے اوس گھڑی اِبنِ آدم آوے گا۔

ایس لئی جاگدے رہو پئی تُسی نئیں جان دے پئی تُہاڈا خُداوند کیہڑے دِن آؤندا اے۔

پر اوس دِن تے اوس گھڑی نُوں باپ دے سِوا کوئی نئیں جاندا نا اسماناں دے فرِشتے تے نا پُتر۔

کیوں جو جُھوٹھے مسِیح تے جُھوٹھے پیغمبر اُٹھن گے۔ تے بھارے نِشان تے کراماتاں وکھان گے۔ اجیہے پئی جے ہو سکے تے اوہ چُنیاں ہویاں نُوں وی گُمراہ کر لین۔

پر جیویں نُوح دے دِن سن اوسے طرح اِبنِ آدم دا آؤنا ہوئے گا۔ کیوں جو جیویں اوہناں دِناں وِچ جھکھڑ توں اگّے لوک کھاندے پِیندے تے ویاہ کر دے تے کراندے سن اوس دِن تِیکر پئی نُوح بیڑی اُتّے چڑھ گیا۔ تے اوہناں نُوں خبر نا ہوئی جد تِیکر جھکھڑ آ کے اوہناں سبھناں نُوں روہڑ کے نا لے گیا۔ ایسے طرح اِبنِ آدم دا آؤنا ہوئے گا۔