Popular Bible Verses from لُوقا 3

Deildu

جد ساریاں لوکاں بپتِسمہ لے لیا سی۔ تے یِسُوع وی بپتِسمہ لے کے دُعا پیا منگدا سی۔ تے ایویں ہویا پئی اسمان کُھل گیا۔ تے رُوحُ القُدس کبُوتر وانگر اوہدے اُتّے اُتریا تے اسمان توں اِک اواز آئی۔ پئی ”تُوں میرا پیارا پُتر ایں تَیتھوں مَیں راضی ہاں۔“

تَد یُوحنّا نے سبھناں نُوں جواب دِتّا مَیں تے تُہانوں پانی نال بپتِسمہ دینا آں۔ پر میرے نالوں اِک ودِھیک طاقت والا آؤندا اے۔ جِہدی جُتّی دی مَیں وَدّھری کھولن جوگا نئیں آں۔ اوہ تُہانوں پاک رُوح تے اَگ نال بپتِسمہ دیوے گا۔

سو تَوبہ دے لائق پَھل لیاؤ تے اپنے مَناں وِچ ایہہ نا آکھو پئی ابرہام ساڈا پئیو اے۔ ایس لئی مَیں تُہانوں آکھنا آں پئی ابرہام دے لئی خُدا ایہناں پتّھراں توں اولاد پَیدا کر سکدا اے۔

تے نالے ہُن رُکھّاں دی جڑ اُتّے کُہاڑا دھریا ہویا اے۔ سو جیہڑا رُکھّ چَنگا پَھل نئیں لیاؤندا اوہ وَڈّھیا جاندا تے اَگ وِچ سُٹّیا جاندا اے۔

جیویں یسعیاہ نبی دے کلام دی کتاب وِچ لِکھیا ہویا اے۔ پئی اُجاڑ وِچ ہوکا دین والے دی اواز۔ خُداوند دی راہ نُوں تیار کرو اوہدے رستیاں نُوں سِدّھیاں بناؤ۔ ہر اِک کھڈ بھری جائے گی تے ہر اِک پہاڑ تے ٹِبّا نِیواں کِیتا جائے گا۔ تے جیہڑا ڈِنگا اے۔ سِدّھا تے اُچّا نِیواں اے پدرا بنے گا۔ تے ساری خلقت خُدا دی نجات ویکھے گی۔