Popular Bible Verses from لُوقا 18

Deildu

فیر اوس اوہناں نُوں ایس مطلب لئی اِک تمثِیل سُنائی۔ پئی سدا دُعا وِچ لگّے رہن۔ ڈِھلّے نا ہون۔

خُدا اپنے چُنیاں ہویاں لوکاں دا جیہڑے دِنیں راتِیں اوہنوں فریاد کر دے نیں نیاں نا کرے گا؟ کِیہ اوہ اوہناں دا چوکھا چِر لاؤندا اے؟ مَیں تُہانوں آکھنا آں پئی اوہ چھیتی اوہناں دا نیاں کرے گا۔ پر جدوں اِبنِ آدم آوے گا دسو اوہ زمین اُتّے۔ اِیمان ویکھے گا؟

اوس آکھیا پئی بندیاں دے اگّے جو اَنہونا اے۔ اوہ خُدا اگّے ہوسکدا اے۔

تے کُجھ چِر تِیک اوس نا مَنّیا۔ مگروں اپنے دِل وِچ آکھیا۔ بھانویں مَیں نا خُدا توں ڈرنا تے نا بندے دی پرواہ کرنا آں۔ تے وی ایس کر کے پئی ایہہ بیوہ مَینُوں اَوکھیاں کر دی اے۔ مَیں اوہدا نیاں کراں گا۔ اجیہا نا ہوئے پئی اوہ گھڑی مُڑی آؤن نال میرا سِر کھا جاوے۔

مَیں تُہانوں سَچ آکھنا آں پئی جیہڑا خُدا دی بادشاہی نُوں بچّے وانگُوں قبول نا کرے۔ اوہ اوہدے وِچ کدی نا وڑے گا۔

پر یِسُوع بالاں نُوں اپنے کول سَدّ کے آکھیا۔ پئی بالاں نُوں میرے کول آؤن دیو تے اوہناں نُوں روکو نا۔ کیوں جو خُدا دی بادشاہی ایہو جِہیاں دی اے۔

یِسُوع اوہنوں آکھیا سُجاکھا ہو جا تیرے اِیمان تینُوں چَنگا کِیتا اے۔

یِسُوع اوہنوں آکھیا۔ تُوں کیوں مَینُوں نیک آکھنا ایں؟ بِناں اِک دے جیہڑا خُدا اے کوئی نیک نئیں اے۔