Popular Bible Verses from MATIYUT 19

Deildu

Yogo mbareegwa, at Yetut nogo enegen pegiige logonet, ”It aakumi nen eeriyak meek aret kwe, Ala nen perak, yi mendek ndi mendek abok aret eeriyak op mban wonage o.”

Ti yoragagerak paga ineebe mbere lek ambit aret logowak nduk, Ala nen aret lambumbiige me, at Ala nen lambunogo piige nogo ti, aakumi nen ponggonogo piyoorak mage o.”

Yogo mbareegwa, Yetut nen, ”At o aa'nduk togon yi mendek ndi mendek wakkage logonet, aap ogobakkigike, kwe ogobakkigike, eerogo piige nagagirik, ari logonet, Aap nen agalo-ogoba teppiinok, akweeluk imbirak lambunna'nuk, it ineebe mbere kwe, ambit aret arugun o, yinuk, yereegerak liiru mbanak nogo kit pekkaga'lek monggotak ya?

Mberirogo mbareegwa, at Yetut nen it yorage logonet, ”Ala abu'me logorak ti, it elege-aabologwe yogop yi kokwak aret me, an nowagam woraawam non mbambiigwi ti, mage o. Op aret yoraanip o.”

Aap ambik inaa'nduk mendek nogo ti, peebi arugun, ndi, peebi mendek nogo ti, inaa'nduk arugun abet aret yokkiragi o,” yinuk, yoragagerak.

An nendage nggwok aruwak nduk, kinagalo-kinogoba inom, kinowe-kinawot inom, kinaaganapuri inom, kinawi wurik inom, kineyabu aago inom, mbo pugwi kiinok, obaane'me kalo logonogo wokkirage logominggirik, mondok-mondok kineenik logobagip nduk, eekkinabigin o.

Yoge mbareegi, Yetut nen, ”Wulaga. Kat aap abu obeelom lombok logokit, mbake keenok, kamendek abok aret onggo mbangge logominggindik, it inamendek lek nogo tumburira nak o. Tumburira nage keenok, kamendek mbogut paga nggwok aret kolaamunggun o. Ti abu eeke logominggindik perak, nimbirak nugu logowok nduk wa'nu o.”

Yoge mbareegi, Yetut nen, ”Aap ambiret mbn obeelom menggerak nogo kagak, nonggop nduk, Obeelom mendek ngge eeri, yinuk, an kin wo'nege agandik? Keenik mondok mendek kolaakit mbake keenok, Yogop ee'nu, ndogop ee'nu, wone yereegerak nogo aret mondok ndak-ndak eeke logot o.”

Ndi, ambi yi yokkira. Unta wam nggwok liiru eno mbuuluk pelenak me unggwi noorak op negen kwe, aap eenggi warak kenok perak, Ala abu'me piige minggim unggwi noorak ti, meek negen kagi o.”

Kinakuwi aap nen wurinaka'lek kagak, mbo piinok, alik ambi waganggwi kiinok ti, mbabi eekwi aret o.

Nage kagak, Yetut nen it at oone waganggwi nogo yorage logonet, ”Aap eenggi warak kenok, at mbogut paga mendek abu'me piige minggim unggwi noorak meek negen aret kagi o, yinuk, abet aret yokkiragi o.