Popular Bible Verses from Varumi 6

Deildu

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

Kigira ubwoni si bu lameha ku mwinye mba: kigira si mu veye ku lilaga navutswa mu veye ku tsimbabasi.

Kunangwa kwa tebwa halala naye ku libatidzwa mu likudza: kuli Kristo ya simugukidzwa nobukumi bwa Dada kutwula mu vakudzu, kandi kwinye ku nyale kugenda mu buhya bwelivamwoyo.

Kandi mu ta hila vivero vyenyu mu bwoni, kuli viju vyobwoneku; navutswa mwihile ku Nyasaye, kuli ava veye mwoyo kutwula mu vakudzu, ne vivero vyenyu vi ve kuli viju vyobulungi ku Nyasaye.

Ku manya yaga, mundu wetu wa kale ya bambwa halala naye, mubiri gwobwoni gwononywe, ku ta va kandi avatugwa vobwoni.

Kandi mwinye ndiyo mwevalidza mwinye avene mu veye ava gwiye avakudzu ku bwoni, navutswa mu veye ava veye mwoyo ku Nyasaye mu Kristo Yesu.

Kunangwa ku la vola ndi? Ku menye mu bwoni, tsimbabasi tsi duke kukira? Ga ta va ndiyo. Kwinye kwa gwa avakudzu ku bwoni, ku nyala ndi kumenya mubwo?

Si mu manya, uyu wa mwihila kuye kuli avatugwa nokuhulira, mwinye mu veye avatugwa va uyu wa mu hulira; ni mu va ni mu veye ku bwoni kuduka likudza, naho ni mu veye ku lihulira kuduka ubulungi?

Navutswa Nyasaye a santidzwe, kigira kuli lwa mwa li avatugwa vobwoni mwa hulira nemyoyo gyenyu lugano lwelyegidza yilyo lya mwa vikwa mu; ma lwa mwa gwa avaboholole ku bwoni, mwa gwa avatugwa vobulungi.