Popular Bible Verses from Yohana 5

Deildu

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

Yesu lwa ya mu lola a gona na a manya ya li ndiyo madiku manyingi, ya mu volera, Wenya u kolwe mulamu?

Mwinye mwenya mu mang'oda, kigira mu vola mu la nyola mu, livamwoyo li ta hera mba; kandi yaga nigo ga lolekidza ku inze; kandi mwinye si mu yanza kuudza ku inze mu nyole livamwoyo.

Yesu ya mu volera, Singira, u vugule kitali kikyo, u gende. Kandi nonoho mundu ya kolwa mulamu, na a vugula kitali na a genda. Lidiku yilyo lya li lisabato.

Kigira yaga Yesu ya tivula na a va volera, Ligali, ligali, mmu volera, Mwana si a nyala kukola kindu mwene, navutswa vya a lola Dada a kolanga: kigira ku vindu vyosi vya a kola, yivi kandi Mwana a kola ndiyo.